- Джыгъылгъанны сырты джерден тоймаз.
- Ат басханны джер билед.
- Зар адам ашынгы ашар, кесинги сатар.
- Байны оноуу, джарлыгъа джарамаз.
- Адеб джокъда, намыс джокъ.
- Ёгюзню мюйюзюнден тутадыла, адамны сёзюнден тутадыла.
- Ёпкелегенни ашы татлы болады.
- Кесине оноу эте билмеген, халкъына да эте билмез.
- Абынмазлыкъ аякъ джокъ, джангылмазлыкъ джаякъ джокъ.
- Башда акъыл болмаса, эки аякъгъа кюч джетер.
- Аджалсыз ёлюм болмаз.
- Айтхан – тынч, этген – къыйын.
- Кёлсюзден сёзсюз тууар.
- Таякъ этден ётер, тил сюекден ётер.
- Эркишини аманы тиширыуну джылатыр.
- Ата Джуртуму башы болмасам да, босагъасында ташы болайым.
- Къарт болгъан джерде, берекет болур, сабий болгъан джерде, оюн болур.
- Аман къатын алгъан, арыр, иги къатын алгъан джарыр.
- Ушамагъан – джукъмаз.
- Магъанасыз сёз – тауушсуз сыбызгъы.
- Рысхы – сют юсюнде кёмюк кибикди.
- Джукъу тёшек сайламайды.
- Эртде тургъан бла эртде юйленнген сокъуранмаз.
- Окъуу – билимни ачхычы, окъуу – дунияны бачхычы.
- Иги сёз – джаннга азыкъ, аман сёз башха – къазыкъ.
- Къолу уллу – асыу, аягъы уллу – джарсыу.
- Ашхы атаны – джашы ашхы, ашхы ананы – къызы ашхы.
- Ишин билген, аны сыйын чыгъарады.
- Хар адамгъа кеси миннген тау кибик.
- Акъыллы эркиши атын махтар, акъылсыз эркиши къатынын махтар.
- Ашлыкъ – бюртюкден, джюн – тюкден.
- Эри аманны, къатыны – аман.
- Кюлме джашха – келир башха.
- Айыбны суу бла джууалмазса.
- Къайтырыкъ эшигинги, къаты уруб чыкъма.
- Олтуруб кёрюнмей эди да, ёрге туруб кёрюне эди.
- Ёксюзню тилеги къабыл болур.
- Таш бла ургъанны, аш бла ур.
- Айтхан сёзюне табылгъан.
- Ойнай-ойнай кёз чыгъар.
- Хансыз джомакъ болмаз.
- Сёз къанатсыз учар.
- Эшекге миннген – биринчи айыб, андан джыгъылгъан – экинчи айыб.
- Тик ёргени, тик энгишгеси да болады.
- Этек чакъмакълары баш джаргъан, сёлешген сёзлери таш джаргъан.
- Эм уллу байлыкъ – джан саулукъ.
- Сёз садакъдан кючлюдю.
- Джыйырма къойну юч джыйырма эбзе кюте эди.
- Бюгюн дуния кибик, тамбла ахыратды.
- Аманнга алтын чыдамаз.
Профиль
|
|
|||