- Кюл тюбюндеги от кёрюнмейди.
- Окъугъан – асыу, окъумагъан – джарсыу.
- Эрине къаргъыш этген къатын, эрнин къабар.
- От кюйдюрген, сау болса да, тот кюйдюрген, сау болмаз.
- Къонакъны къачан кетерин сорма, къачан келлигин сор.
- Уллу сёлешме да, уллу къаб.
- Аман хансны – урлугъу кёб.
- Бюгюн дуния кибик, тамбла ахыратды.
- Ауузу бла къуш тута айланады.
- Ач къарынны, токъ билмез
- Намысы джокъну – дуниясы джокъ.
- Байны къызы баймакъ болса да, юйде къалмаз!
- Ётюрюкню къуйругъу – бир тутум.
- Бетинги сатма, малынгы сат.
- Аз сёлеш, кёб ишле.
- Таугъа чыгъаллыкъ эсенг, тюзде къалма.
- Мал ёлсе, сюек къалыр, адам ёлсе, иши къалыр.
- Таукел тауну аудурур.
- Экеу тутушса, биреу джыгъылыр.
- Къууут – джелге, берне – бошха.
- Узун джолну барсанг, бюгюн келирсе, къысха джолну барсанг, тамбла келирсе.
- Шапа кёб болса, аш татымсыз болур.
- Джуртун къоругъан озар.
- Ишин билген, аны сыйын чыгъарады.
- Ёлмесенг да, къарт дамы болмазса?
- Итли къонакъ джарашмаз.
- Биреу ашаб къутулур, биреу джалаб тутулур.
- Накъырда – кертини келечиси.
- Айырылгъанланы айю ашар, бёлюннгенлени бёрю ашар.
- Баш болса, бёрк табылыр.
- Кюн кёрмеген, кюн кёрсе, кюндюз чыракъ джандырыр.
- Эте билген, этген этеди, эте билмеген, юретген этеди!
- Элни кючю – эмеген.
- Тёзгеннге, джабылгъан эшик ачылыр.
- Босагъагъа джууукъ орун болса, ашыгъыб тёрге озма.
- Намыс сатылыб алынмайды.
- Ёлюк кебинсиз къалмаз.
- Чарсда алчыны эл кёреди.
- Акъыл неден да кючлюдю.
- Хатерли къул болур.
- Таукел къуру къалмаз.
- Тюзню ётмеги тюзде къалса да, тас болмаз.
- Кёбден умут этиб, аздан къуру къалма.
- Нёгерсизни джолу узун.
- Къарнынг бла ёч алма.
- Джаным-тиним – окъуу, билим.
- Къарын къуру болса, джюрек уру болур.
- Кёл – къызбай, къол – батыр.
- Ёзденликни джайгъан – джокълукъ.
- Тёрени джагъы джокъ.
Профиль
|
|
|
|||