- Ачыу алгъа келсе, акъыл артха къалады.
- Элге къуллукъ этмеген, элге ие болмаз.
- Насыб бютеу халкъны юлюшюдю.
- Аманнга игилик этсенг, юйюнге сау бармазса.
- Мал тутхан – май джалар.
- От кюйдюрген, сау болса да, тот кюйдюрген, сау болмаз.
- Дууулдаса – бал чибин, къонса – къара чибин.
- Эски джаугъа ышанма.
- Акъыллы башны – тили къысха.
- Тенгинг джокъ эсе – изле, бар эсе – сакъла!
- Къартха ушагъан джаш – акъыллы, джашха ушагъан къарт – тели.
- Хансыз джомакъ болмаз.
- Кимни – тили, тиши онглу, кимни – къолу, иши онглу.
- Эте билген, этген этеди, эте билмеген, юретген этеди!
- Къайтырыкъ эшигинги, къаты уруб чыкъма.
- Ишлегенден, къарагъан уста.
- Бюгюн дуния кибик, тамбла ахыратды.
- Зар адамны насыбы болмаз.
- Ата – билек, ана – джюрек!
- Этни бети бла шорпасы.
- Джаханимни кёрмей, джандетге кёл салмазса.
- Тилде сюек болмаса да, сюек сындырыр.
- Джахил болса анасы, не билликди баласы?
- Атлыны кёрсе, джаяуну буту талыр.
- Бермеген къол, алмайды.
- Эр абынмай, эл танымаз.
- Сабийни джумушха джибер да, ызындан бар.
- Игини сыйлагъан адетди.
- Тешигини къатында, чычхан да батыр болур.
- Агъач халкъгъа алтынды, иссиликге салкъынды.
- Эркиши – от, тиширыу – суу.
- Экеу тутушса, биреу джыгъылыр.
- Акъыл сабырлыкъ берир.
- Тынгылагъан тынгы бузар.
- Тилсиз миллет джокъ болур.
- Иги сёз – джаннга азыкъ, аман сёз башха – къазыкъ.
- Тойгъа барсанг, тоюб бар, эски тонунгу къоюб бар.
- Джиби бир къат джетмей эди да, эки къат тарта эди.
- Бастасын ашагъан, хантусун да ичер.
- Этек чакъмакълары баш джаргъан, сёлешген сёзлери таш джаргъан.
- Сабыр джетер муратха, сабырсыз къалыр уятха.
- Билимли ёлмез, билимсиз кёрмез.
- Къонакъ кёб келюучю юйню, къазаны отдан тюшмез.
- Байны къызы баймакъ болса да, юйде къалмаз!
- Мадар болса, къадар болур.
- Ашына кёре табагъы, балына кёре къалагъы.
- Джылкъыдан – ат чыгъар, тукъумдан – джаш чыгъар.
- Эшекге миннген – биринчи айыб, андан джыгъылгъан – экинчи айыб.
- Джаш болсун, къыз болсун, акъылы, саны тюз болсун.
- Къозулугъунда тоймагъан, къойлугъунда тоймаз.
Профиль
|
|
|
|||