- Ёмюрлюк шохлукъну джел элтмез.
- Кёлю джокъну – джолу джокъ.
- Тенгинг джокъ эсе – изле, бар эсе – сакъла!
- Ёпкелегенни ашы татлы болады.
- Ауурну тюбю бла, дженгилни башы бла джюрюген.
- Келинин тута билмеген, къул этер, къызын тута билмеген, тул этер.
- Кёзю сокъурдан – къоркъма, кёлю сокъурдан – къоркъ.
- Къуру гыбыт бек дыгъырдар.
- Кесинг сынамагъан затны, адамгъа буюрма.
- Ёлген эшек бёрюден къоркъмайды.
- Джаз бир кюнню джатсанг, къыш талай кюнню абынырса.
- Биреу къой излей, биреу той излей.
- Къумурсхала джыйылсала, пилни да джыгъадыла.
- Мал кёб болса, джууукъ кёб болур.
- Эки ойлашыб, бир сёлешген.
- Хаухну атма, ёнгкючню сатма.
- Къалгъан ишге къар джауар.
- Дуния малгъа сатылма, кесингден телиге къатылма.
- Тас болгъан бычакъны сабы – алтын.
- Айтханы чапыракъдан ётмеген.
- Адам къаллай бир ишленмесе, аллай бир кесин уллу кёреди.
- Итли къонакъ джарашмаз.
- Ауузу бла къуш тута айланады.
- Терек ауса, отунчу – кёб.
- Тойгъа барсанг, тоюб бар, эски тонунгу къоюб бар.
- Акъыл сабырлыкъ берир.
- Окъуу – билимни ачхычы, окъуу – дунияны бачхычы.
- Тешигини къатында, чычхан да батыр болур.
- Зар адамны насыбы болмаз.
- Эркишини аманы тиширыуну джылатыр.
- Таула не мийик болсала да, аууш табылыр.
- Ач къарным, тынч къулагъым.
- Бойнуму джети джерден кессенг да, мен ол ишни этеллик тюлме.
- Тыш элде солтан болгъандан эсе, кесинги элде олтан болгъан игиди!
- Тиширыусуз юй – отсуз от джагъа.
- Ашлыкъ – бюртюкден, джюн – тюкден.
- Ханы къызы буюгъа-буюгъа киштик болду.
- Таугъа чыгъаллыкъ эсенг, тюзде къалма.
- Артына баргъанны, къатына барма.
- Джол бла сёзню къыйыры джокъ.
- Эллинг бла джау болсанг да, юйюнг бла джау болма.
- Тенгни тенглиги джашай барсанг билинир.
- Аджал соруб келмез, келсе, къайтыб кетмез.
- Акъыллы – эл иеси, тели – эл баласы.
- Тешик этген тынчды, аны джамагъан къыйынды.
- Джетген къыз джерли эшекни танымаз.
- Къарт бла баш аша, джаш бла аякъ аша.
- Аман адамны тепсинге олтуртсанг, къызынгы тилер.
- Чомартны къолун джокълукъ байлар.
- Ашхы атаны – джашы ашхы, ашхы ананы – къызы ашхы.
Профиль
|
|
|
|||