- Эки къатын алгъанны къулагъы тынгнгаймаз.
- Сабийликде юретмесенг, уллу болса – тюзелмез.
- Ауузу бла къуш тута айланады.
- Ёлген ийнек сютлю болур.
- Сабий кёргенин унутмаз.
- Артына баргъанны, къатына барма.
- Айтхан – тынч, этген – къыйын.
- Кюн – узун, ёмюр – къысха.
- Сёз садакъдан кючлюдю.
- Мухардан ач ычхынмаз.
- Ата – билек, ана – джюрек!
- Таула не мийик болсала да, аууш табылыр.
- Билим ат болуб да чабар, къуш болуб да учар.
- Ишленмеклик адамлыкъды.
- Тойгъан антын унутур.
- Эринчекге кюн узун.
- Ашыкъгъан cуу, тенгизге джетмез.
- Къыз келсе, джумуш эте келеди, къатын келсе, ушакъ эте келеди.
- Чомарт бергенин айтмаз.
- Чарсда алчыны эл кёреди.
- Тойну къарнашы – харс, джырны къарнашы – эжиу.
- Ёлюр джаннга, ёкюл джокъ.
- Аманнга алтын чыдамаз.
- Ишни ахырын ойламай, аллын башлама.
- Этим кетсе да, сюегим къалыр.
- Кёб ант этген, кёб ётюрюк айтыр.
- Ёксюзню къалачы уллу кёрюнюр.
- Эки элинги тыйсанг, джети элде махталырса.
- Кийимни бичсенг, кенг бич, тар этген къыйын тюлдю.
- Эл бла кёргенинг эрелей.
- Келлик заман – къартлыкъ келтирир, кетген заман – джашлыкъ ёлтюрюр.
- Кёпюр салгъан кеси ётер, уру къазгъан кеси кетер.
- Ойнаб айтсанг да, эслеб айт.
- Алим болгъандан эсе, адам болгъан къыйынды.
- Тамырсыз терекге таянма – джыгъылырса.
- Чакъырылмай келген къонакъ сыйланмай кетер.
- Ашатыргъа иш – ашхы, ишлетирге аш – ашхы.
- Ауузу аманнга «иги», деме.
- Аджашхан тёгерек айланыр.
- Эм ашхы къайын ана мамукъ бла башынгы тешер.
- Бек анасы джыламаз.
- Ашхы сёз таш тешер.
- Халкъгъа джарагъан, джарлы къалмаз.
- Тойгъан джерге джети къайт.
- Окъумагъан сокъурду, сокъур ташха абыныр!
- Эки къатын алгъан – эки ташны ортасына башын салгъан.
- Адам туугъан джеринде, ит тойгъан джеринде.
- Ётюрюкню башын керти кесер.
- Къайгъыны сюйген, къайгъы табар.
- Кёзю сокъурдан – къоркъма, кёлю сокъурдан – къоркъ.
Профиль
|
Spambala
 Эльбрусоид
Баллов: 0
Регистрация: 12.04.2012
Последний визит: 12.04.2012 14:13:00
|
|
||||||||
|
|
|
||||||||