- Тынгылагъан тынгы бузар.
- Эки ойлашыб, бир сёлешген.
- Урама да – ёледи, сатама да – келеди.
- Ана къолу ачытмаз.
- Иги болса, тамадама – махтау, аман болса, меннге – айыб.
- Къайгъы тюбю – тенгиз.
- Къатын байлыкъны сюер, эр саулукъну сюер.
- Джангызны оту джарыкъ джанмаз!
- Душманны тышы – акъ, ичи – къара.
- Келлик заман – къартлыкъ келтирир, кетген заман – джашлыкъ ёлтюрюр.
- Чакъырылмагъан къонакъ – орунсуз.
- Чакъырылмагъан къонакъ тёрге атламаз.
- Тил джюрекге джол ишлейди.
- Джырчы джырчыгъа – къарнаш.
- Иги адам абынса да, джангылмаз.
- Мал ёлсе, сюек къалыр, адам ёлсе, иши къалыр.
- Хар зат кесини орнуна иги.
- Берекет берсин деген джерде, берекет болур.
- Чёбню кёлтюрсенг, тюбюнден сёз чыгъар.
- Баргъанынга кёре болур келгенинг.
- Урунуу – насыбны анасы.
- Кюлме джашха – келир башха.
- Аууздан келген, къолдан келсе, ким да патчах болур эди.
- Адамны джюреги нени кёрюрге сюйсе, кёзю да аны кёрюрге ёч болады.
- Къонагъынгы артмагъын алма да, алгъышын ал.
- Тамырсыз терекге таянма – джыгъылырса.
- Эл бла кёргенинг эрелей.
- Бети бедерден, намыс сакълама.
- Ариу сёз джыланны орнундан чыгъарыр.
- Окъуусуз билим – джокъ, билимсиз кюнюнг – джокъ.
- Байны къызы баймакъ болса да, юйде къалмаз!
- Тойгъа барсанг, тоюб бар, эски тонунгу къоюб бар.
- Чыкълы кюнде чыкъмагъан, чыкъса къуру кирмеген.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къолу уллу – асыу, аягъы уллу – джарсыу.
- Къарнынг ауруса, ауузунгу тый
- Магъанасыз сёз – тауушсуз сыбызгъы.
- Эрни эр этерик да, къара джер этерик да, тиширыуду.
- Биреуню тёрюнден, кесинги эшик артынг игиди.
- Эл тойса, тоймагъан, эл къойса, къоймагъан.
- Джумушакъ сёз къаты таякъны сындырыр.
- Джылар джаш, атасыны сакъалы бла ойнар.
- Джумушакъ терекни къурт ашар.
- Алим болгъандан эсе, адам болгъан къыйынды.
- Башы ишлегенни, ауузу да ишлер.
- Билимли ёлмез, билимсиз кёрмез.
- Джюрекге ариу – кёзге да ариу.
- Юй кюйдю да, кюйюз чыкъды, ортасындан тюйюш чыкъды.
- Аман адам этегингден тутса, кес да къач.
- Къарт болгъан джерде, берекет болур, сабий болгъан джерде, оюн болур.
Профиль
|
|
|||