- Тёрени джагъы джокъ.
- Ач, тоймам, дейди, тойгъан, ач болмам, дейди.
- Адеби болмагъан къыз – тузсуз хант.
- Къыз келсе, джумуш эте келеди, къатын келсе, ушакъ эте келеди.
- Тойгъан джерге джети къайт.
- Тау башында, тау болмаз, джангыз терек, бау болмаз.
- Ёгюзню мюйюзюнден тутадыла, адамны сёзюнден тутадыла.
- Уллу сёзде уят джокъ.
- Ариуну – ауруу кёб.
- Ауругъаннга – кийик саулукъ, джетген къызгъа – чилле джаулукъ.
- Бастасын ашагъан, хантусун да ичер.
- Ишлемеген – тишлемез.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Насыблы элин сюер, насыбсыз кесин сюер.
- Ётюрюкню къуйругъу – бир тутум.
- Джырына кёре эжиую.
- Ашыкъгъан cуу, тенгизге джетмез.
- Къайгъы тюбю – тенгиз.
- Эл элде бирер малынг болгъандан эсе, бирер тенгинг болсун.
- Нафысынгы айтханын этме, намысынгы айтханын эт.
- Кёкдеги болмаса, джердегин кёрмейди.
- Кюл тюбюндеги от кёрюнмейди.
- Татлы тилде – сёз ариу, чемер къолда – иш ариу.
- Зар адамны насыбы болмаз.
- Баш – акъыл ючюн, акъылман – халкъ ючюн.
- Кийим тукъум сордурур.
- Джыйырма къойну юч джыйырма эбзе кюте эди.
- Уллу суу бла уллу ауруудан башынгы сакъла.
- Аурууну келиую тынч, кетиую – къыйын.
- Эки итни арасына сюек атма, эки адамны арасында сёз чыгъарма.
- Билими азны – ауузунда кирит.
- Ариу джол аджал келтирмез.
- Аманнга да, игиге да оноусуз къатышма.
- Чомарт къолда мал къалмаз.
- Айранын берсенг, челегин да къызгъанма.
- Ёлген эшек бёрюден къоркъмайды.
- Берекет берсин деген джерде, берекет болур.
- Окъуусуз билим – джокъ, билимсиз кюнюнг – джокъ.
- Биреуню эскиси биреуге джангы болмайды.
- Артына баргъанны, къатына барма.
- Босагъа таш юйге кирмей эди, тыбыр таш эшикге чыкъмай эди.
- Телиге акъыл салгъандан эсе, ёлгеннге джан салырса.
- Тилчи бир сагъатха айлыкъ хата этер.
- Кёб ант этген, кёб ётюрюк айтыр.
- Къумурсхала джыйылсала, пилни да джыгъадыла.
- Эл ауузу – элек, анга ийнаннган – халек.
- Сангырау къулакъ эл бузар.
- Джангыз терек къынгыр ёсер.
- Башсыз урчукъ тюзюне айланмаз.
- Этни бети бла шорпасы.
Профиль
|
|
|||