- Гыдай эчки суугъа къараб, мюйюзле кёрмесе, джашма алкъын, дегенди.
- Тюкюрюк баш джармаз, налат кёз чыгъармаз!
- Айран ичген – къутулду, джугъусун джалагъан – тутулду.
- Кёрмегеннге кебек – танг, битмегеннге сакъал – танг.
- Ёлмесенг да, къарт дамы болмазса?
- Иги – алгъыш этер, аман – къаргъыш этер.
- Кесине гебен этелмеген, биреуге черен эте эди.
- Болджал ишни бёрю ашар.
- Аман адам элни бир-бирине джау этер.
- Ханы къызы буюгъа-буюгъа киштик болду.
- Ишни аллы бла къууанма да, арты бла къууан.
- Кёлсюзден сёзсюз тууар.
- Чомарт къолда мал къалмаз.
- Биреуню эскиси биреуге джангы болмайды.
- Сютден ауузу кюйген, суугъа юфгюре эди.
- Ачыкъ джюрекге джол – ачыкъ.
- Юйлю уругъа ит чабмаз.
- Иши джокъну, сыйы джокъ.
- Аман адам этегингден тутса, кес да къач.
- Сангырау къулакъ эл бузар.
- Берекет берсин деген джерде, берекет болур.
- Ач, тоймам, дейди, тойгъан, ач болмам, дейди.
- Таукел адам тау тешер.
- Ойнай билмеген, оюн бузар.
- Джетген къыз джерли эшекни танымаз.
- Айныгъанлы алты кюн, тогъайгъанлы тогъуз кюн.
- Аджалсыз ёлюм болмаз.
- Сакъалы текени да бар, мыйыгъы киштикни да бар.
- Ёлген эшек бёрюден къоркъмайды.
- Ханнга да келеди хариблик.
- Ашхылыкъ джерде джатмайды, аманлыкъ суугъа батмайды.
- Адам къыйынлыгъын кёлтюрюр, зауукълугъун кёлтюрмез.
- Тик ёргени, тик энгишгеси да болады.
- Джарашыу сюйген – джалынчакъ.
- Татлы тилде – сёз ариу, чемер къолда – иш ариу.
- Ариу сёз аурууунгу алыр.
- Къыйынлы джети элге оноу этер.
- Эр сокъур болсун, къатын тилсиз болсун.
- Джарлыны тону джаз битер.
- Кесине оноу эте билмеген, халкъына да эте билмез.
- Нарт сёз – тилни бети.
- Къан бла кирген, джан бла чыгъар.
- Хантына кёре тузу, юйюне кёре къызы.
- Айтылгъан буйрукъ, сёгюлмез
- Ётюрюкден тюбю джокъ, кёлтюрюрге джиби джокъ.
- Ашыкъгъанны этеги бутуна чырмалыр.
- Телиге от эт десенг, юйюнге от салыр.
- Тойгъандан сора, ашны сёкме.
- Байны оноуу, джарлыгъа джарамаз.
- Тойгъанлыкъ къойгъа джарашады.
Профиль
|
|
|||