- Таш бла ургъанны, аш бла ур.
- Бек анасы джыламаз.
- Билмегенинги, билгеннге сор.
- Къонакъ кёб келюучю юйню, къазаны отдан тюшмез.
- Ачлыкъ отха секиртир.
- Сормай – алма, чакъырылмай – барма.
- Дууулдаса – бал чибин, къонса – къара чибин.
- Къыйынлы джети элни къайгъысын этер.
- Ёлмесенг да, къарт дамы болмазса?
- Таякъ этден ётер, тил сюекден ётер.
- Ёлген аслан – сау чычхан.
- Тойгъан джерге джети къайт.
- Кёб джат да, бек чаб.
- Таукелге нюр джауар.
- Хар сёзню орну барды.
- Къошда джокъгъа – юлюш джокъ.
- Чакъырылмай келген къонакъ сыйланмай кетер.
- Кюн – узун, ёмюр – къысха.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сууда джау джокъ, кёб сёзде магъана джокъ.
- Акъыл бла адеб эгизледиле.
- Байлыкъ тауусулур, билим тауусулмаз.
- Тойну къарнашы – харс, джырны къарнашы – эжиу.
- Джашны джигитлиги сорулур, къызны джигерлиги сорулур.
- Экиндини кеч къылсанг, чабыб джетер ашхам.
- Керилген да, ургъан кибикди.
- Джырына кёре эжиую.
- Джыланны къуйругъундан басарынг келсе, аны башы болгъанын унутма.
- Тешик этген тынчды, аны джамагъан къыйынды.
- Къонакъ аман болса, къонакъбай джунчур
- Юре билмеген ит, къонакъ келтирир.
- Телиге от эт десенг, юйюнге от салыр.
- Биреуге кёлтюрген таягъынг, кесинги башынга урур.
- Тюзлюк тас болмайды.
- Эте билген, этген этеди, эте билмеген, юретген этеди!
- Иги сёз – джаннга азыкъ, аман сёз башха – къазыкъ.
- Къайгъы тюбю – тенгиз.
- Келинни – келгинчи, бёркню кийгинчи кёр.
- Ариу сёзде ауруу джокъ.
- Бичгенде ашыкъма, тикгенде ашыкъ.
- Адам туугъан джеринде, ит тойгъан джеринде.
- Адам сёзге тынгыла, акъыл сёзню ангыла.
- Аз сёлеш, кёб ишле.
- Ачлыкъда тары гырджын халыуадан татлы.
- Этим кетсе да, сюегим къалыр.
- Ата джурт – алтын бешик.
- Ана къойну – балагъа джандет.
- Хатерли къул болур.
- Ашха уста, юйюнде болсун
- Билими азны – ауузунда кирит.
Профиль
|
|
|||