- Билим къая тешер.
- Джылыгъа джылан илешир.
- Кёлю джокъну – джолу джокъ.
- Джырчы джырчыгъа – къарнаш.
- Бал – татлы, балдан да бала – татлы.
- Ата Джуртча джер болмаз, туугъан элча эл болмаз.
- Экиндини кеч къылсанг, чабыб джетер ашхам.
- Ачлыкъда тары гырджын халыуадан татлы.
- Келинни – келгинчи, бёркню кийгинчи кёр.
- Эки ойлашыб, бир сёлешген.
- Ашлыкъ – бюртюкден, джюн – тюкден.
- Ойнай-ойнай кёз чыгъар.
- Этни да ашады, бетни да ашады.
- Кёзю сокъурдан – къоркъма, кёлю сокъурдан – къоркъ.
- Керти сёзге тёре джокъ.
- Адамны аманы адамны бети бла ойнар.
- Гитче джилтин уллу элни джандырыр.
- Аман къатын сабий табса, бий болур…
- Джолда аягъынга сакъ бол, ушакъда тилинге сакъ бол.
- Алма терегинден кери кетмез.
- Къан бла кирген, джан бла чыгъар.
- Мал тутхан – май джалар.
- Кюн – узун, ёмюр – къысха.
- Байлыкъ келсе, акъыл кетер.
- Танг атмайма десе да, кюн къоярыкъ тюйюлдю.
- Сютден ауузу кюйген, суугъа юфгюре эди.
- Ёнгкюч къууана барыр, джылай келир.
- Ач отунчуну ачыуу – бурнунда.
- Тулпарлыкъ, билекден тюл – джюрекден.
- Элде адам къалмаса, ит тахтагъа минер.
- Джырчы ёлсе, джыры къалыр.
- Терек ауса, отунчу – кёб.
- Кёб ант этген, кёб ётюрюк айтыр.
- Хата – гитчеден.
- Ауурну тюбю бла, дженгилни башы бла джюрюген.
- Татлы сёз – балдан татлы.
- Сакъалы текени да бар, мыйыгъы киштикни да бар.
- Терслик кетер, тюзлюк джетер.
- Олтуруб кёрюнмей эди да, ёрге туруб кёрюне эди.
- Тили узунну, намысы – къысха.
- Сабийни джумушха джибер да, ызындан бар.
- Ашхы атаны – джашы ашхы, ашхы ананы – къызы ашхы.
- Къонакъ болсанг, ийнакъ бол.
- Къууут – джелге, берне – бошха.
- Айыбны суу бла джууалмазса.
- Ашхылыкъ джерде джатмайды, аманлыкъ суугъа батмайды.
- Эм уллу байлыкъ – джан саулукъ.
- Адамны артындан къара сабан сюрме.
- Сютню башын джалагъан къутулур, тюбюн ичген тутулур.
- Эртде тургъан бла эртде юйленнген сокъуранмаз.
Профиль
|
|
|
|||