- Чыбыкълыкъда бюгюлмеген, къазыкълыкъда бюгюлмей эди.
- Кёл – къызбай, къол – батыр.
- Ачыкъ джюрекге джол – ачыкъ.
- Ариу сёз – къылычдан джити.
- Биреуге аманлыкъны тилеме да, кесинге ашхылыкъны тиле.
- Аз айтсам, кёб ангылагъыз.
- Эшекни не къадар тюйсенг да, ат болмаз.
- Кийим тукъум сордурур.
- Кийимни бичсенг, кенг бич, тар этген къыйын тюлдю.
- Ашлыкъны арба юйге келтирир, чана базаргъа элтир.
- Намысы болмагъанны, сыйы болмаз.
- Насыблы элин сюер, насыбсыз кесин сюер.
- Башынга джетмегенни сорма.
- Сабийликде юретмесенг, уллу болса – тюзелмез.
- Ётген ёмюр – акъгъан суу.
- Ётюрюкчюню шагъаты – къатында.
- Къарнынг къанлынга кийирир.
- Сагъыш – къартлыкъгъа сюйюмчю.
- Джюрекден джюрекге джол барды.
- Чомарт джарлы болмаз.
- Атлыны ашхысы, ат тизгининден билинир
- Ачлыкъда тары гырджын халыуадан татлы.
- Ариу – кёзге, акъыл – джюрекге.
- Этек чакъмакълары баш джаргъан, сёлешген сёзлери таш джаргъан.
- Дуния мал дунияда къалады.
- Баргъанынга кёре болур келгенинг.
- Рысхы джалгъанды: келген да этер, кетген да этер.
- Къазанда болса, чолпугъа чыгъар.
- Байдан умут эте, джарлыдан ёгюз багъасы къорады.
- Адам туугъан джеринде, ит тойгъан джеринде.
- Аман хансны – урлугъу кёб.
- Сабий кёргенин унутмаз.
- Илму – джашауну джолу.
- Къартны бурнун сюрт да, оноугъа тут.
- Айтылгъан буйрукъ, сёгюлмез
- Тёрени джагъы джокъ.
- Накъырданы арты керти болур.
- Айтханы чапыракъдан ётмеген.
- Терек ауса, отунчу – кёб.
- Сёлеш деб шай берген, тохта деб, сом берген.
- Юйюнгден чыкъдынг – кюнюнгден чыкъдынг.
- Билмейме деген – бир сёз
- Къарт айтханны этмеген, къартаймаз.
- Адамны сабийин сюйген джюреги, бычакъча, джитиди.
- Джумушакъ терекни къурт ашар.
- Ашхы тенг джолгъа салыр, аман тенг джолдан тайдырыр.
- Телиге от эт десенг, юйюнге от салыр.
- Мал кёб болса, джууукъ кёб болур.
- Чакъырылгъанны аты, чакъырылмагъанны багъасы болур.
- Ауругъаннга – кийик саулукъ, джетген къызгъа – чилле джаулукъ.
Профиль
|
|
|||