- Иги адам абынса да, джангылмаз.
- Гугурук къычырмаса да, тангны атары къалмаз.
- Айтхан – тынч, этген – къыйын.
- Тёзген – тёш ашар!
- Биреу къой излей, биреу той излей.
- Къобан да къуру да къобханлай турмайды, адам да къуру да патчахлай турмайды.
- Джумушакъ сёз къаты таякъны сындырыр.
- Ач келгенни – тойдур, кеч келгенни – къондур.
- Къыз чыгъаргъан – къызыл къымжа.
- Таукел адам тау тешер.
- Хантына кёре тузу, юйюне кёре къызы.
- Иесиз малны бёрю ашар.
- Айран тёгюлсе, джугъусу къалыр.
- Эртде тургъан бла эртде юйленнген сокъуранмаз.
- Кийимни бир кюнню аясанг, минг кюннге джарар.
- Таякъ этден ётер, тил сюекден ётер.
- Чабакъсыз кёлге къармакъ салгъанлыкъгъа, чабакъ тутмазса.
- Къартны сыйын кёрмеген, къартлыгъында сыйлы болмаз.
- Джаш болсун, къыз болсун, акъылы, саны тюз болсун.
- Иги джашны ышаны – аз сёлешиб, кёб тынгылар.
- Кёлсюзден сёзсюз тууар.
- От кюйдюрген, сау болса да, тот кюйдюрген, сау болмаз.
- Итли къонакъ джарашмаз.
- Чоюнну башы ачыкъ болса, итге уят керекди.
- Бичгенде ашыкъма, тикгенде ашыкъ.
- Бети къызарыучу адамны, джюреги харам болмаз.
- Бозанг болмагъан джерге, къалагъынгы сукъма.
- Ачыкъ джюрекге джол – ачыкъ.
- Элде адам къалмаса, ит тахтагъа минер.
- Ач къарынны, токъ билмез
- Татлы сёз – балдан татлы.
- Иги – алгъыш этер, аман – къаргъыш этер.
- Акъыл сабырлыкъ берир.
- Мал тутхан – май джалар.
- Намысы болмагъанны, сыйы болмаз.
- Кёл ашады да, кеси ашады.
- Чёбню кёлтюрсенг, тюбюнден сёз чыгъар.
- Артына баргъанны, къатына барма.
- Адам сёзге тынгыла, акъыл сёзню ангыла.
- Мал ёлсе, сюек къалыр, адам ёлсе, иши къалыр.
- Адамгъа аман кюн соруб келмейди.
- Бир абыннган – минг сюрюнюр.
- Кёбден умут этиб, аздан къуру къалма.
- Мухар, кеси тойса да, кёзю тоймаз.
- Акъыллы – эл иеси, тели – эл баласы.
- Ауузу бла къуш тута айланады.
- Къуллукъчума, деб махтанма, къуллукъ – хаух джамчыды!
- Эр абынмай, эл танымаз.
- Къоркъакъны кёзю экили кёрюр.
- Бети – къучакълар, джюреги – бычакълар.
Профиль
|
|
|||