- Чакъырылмагъан къонакъ – орунсуз.
- Эртде тургъан бла эртде юйленнген сокъуранмаз.
- Баланы адам этген анады.
- Кёрмегеннге кебек – танг, битмегеннге сакъал – танг.
- Туз, гырджын аша, тюзлюк бла джаша.
- Кёб ант этген, кёб ётюрюк айтыр.
- Адамны артындан къара сабан сюрме.
- Сууда джау джокъ, кёб сёзде магъана джокъ.
- Къарт айтханны этмеген, къартаймаз.
- Башынга джетмегенни сорма.
- Садакъачыны джаны – къапчыгъында.
- Керти сёзге тёре джокъ.
- Билмейме деген – бир сёз
- Чомартны къолу берекет.
- Таукел къуру къалмаз.
- Дуния мал дунияда къалады.
- Сакъалы текени да бар, мыйыгъы киштикни да бар.
- Сёз сёзню айтдырыр.
- Къартны бурнун сюрт да, оноугъа тут.
- Эркишини аманы тиширыуну джылатыр.
- Тенгни тенглиги джашай барсанг билинир.
- Кёл ашады да, кеси ашады.
- Ашлыкъны арба юйге келтирир, чана базаргъа элтир.
- Ёгюзню мюйюзюнден тутадыла, адамны сёзюнден тутадыла.
- Аз айтсам, кёб ангылагъыз.
- Нарт сёз къарт болмаз.
- Ханы къызы буюгъа-буюгъа киштик болду.
- Халкъны юйю – туугъан джери.
- Джети тилни билген джети кишиди.
- Эллинг бла джау болсанг да, юйюнг бла джау болма.
- Ач бёрюге мекям джокъ.
- Ариу сёз джыланны орнундан чыгъарыр.
- Джашны джигитлиги сорулур, къызны джигерлиги сорулур.
- Бет бетге къараса, бет да джерге къарар.
- Байлыкъдан саулукъ ашхыды.
- Джарлыны эшигин махтагъан джабар.
- Эли джокъну – кёлю джокъ.
- Огъурлуну сёзю – суу, огъурсузну сёзю – уу.
- Джаш къарыу бла кючлю, къарт акъыл бла кючлю.
- Ёзденликни джайгъан – джокълукъ.
- Онгсузну – джакъла, тенгликни – сакъла.
- Эринчекни аурууу – кёб.
- Тил бла келеди джыр да.
- Кечеси – аяз, кюню – къыш, джарлы къаргъагъа бир аш тюш!
- Биреу ашаб къутулур, биреу джалаб тутулур.
- Къыз чыгъаргъан – къызыл къымжа.
- Эл элде бирер малынг болгъандан эсе, бирер тенгинг болсун.
- Ашлыкъ – бюртюкден, джюн – тюкден.
- Ана къойну – балагъа джандет.
- Атлыны ашхысы, ат тизгининден билинир
Профиль
|
|
|
|||