- Айран тёгюлсе, джугъусу къалыр.
- Ёгюзню мюйюзлери ауурлукъ этмейдиле.
- Кёб джат да, бек чаб.
- Къонакъ болсанг, ийнакъ бол.
- Сагъышы джокъ – джукъучу, акъылы джокъ – къаугъачы.
- Уясында не кёрсе, учханында аны этер.
- Ат басханны джер билед.
- Хар адамгъа кеси миннген тау кибик.
- «Ёгюз, джаргъа джууукъ барма, меннге джюк боллукъса», - дегенди эшек.
- Тойгъа алгъа да барма, тойда артха да къалма.
- Джолда аягъынга сакъ бол, ушакъда тилинге сакъ бол.
- Болджал ишни бёрю ашар.
- Байдан умут эте, джарлыдан ёгюз багъасы къорады.
- Булут кёкге джарашыу, уят бетге джарашыу.
- Душманны тышы – акъ, ичи – къара.
- Рысхы – сют юсюнде кёмюк кибикди.
- Атлыны кёрсе, джаяуну буту талыр.
- Ач уят къоймаз.
- Иги болса, тамадама – махтау, аман болса, меннге – айыб.
- Телини эшигин, махтау джабар.
- Суу ичген шауданынга тюкюрме.
- Бек анасы джыламаз.
- Джиби бир къат джетмей эди да, эки къат тарта эди.
- Джангыз терек къынгыр ёсер.
- Дууулдаса – бал чибин, къонса – къара чибин.
- Джылар джаш, атасыны сакъалы бла ойнар.
- Эрине къаргъыш этген къатын, эрнин къабар.
- Уллу къашыкъ эрин джыртар.
- Агъач халкъгъа алтынды, иссиликге салкъынды.
- Дуния малгъа сатылма, кесингден телиге къатылма.
- Джюрекге ариу – кёзге да ариу.
- Эм уллу байлыкъ – джан саулукъ.
- Аллахха ийнаннган кишини, Аллах онгдурур ишин.
- Къонакъ кёб келюучю юйню, къазаны отдан тюшмез.
- Байны къызы баймакъ болса да, юйде къалмаз!
- Дуния мал дунияда къалады.
- Къалгъан ишге къар джауар.
- Джуртун къоругъан озар.
- Ата – билек, ана – джюрек!
- Шапа кёб болса, аш татымсыз болур.
- Суу да къайтады чыкъгъан джерине.
- Мухардан ач ычхынмаз.
- Ашыкъгъанны этеги бутуна чырмалыр.
- Халкъгъа джарагъан, джарлы къалмаз.
- Тюзлюк шохлукъну бегитир.
- Эки итни арасына сюек атма, эки адамны арасында сёз чыгъарма.
- От этилмеген джерден тютюн чыкъмайды.
- Таула не мийик болсала да, аууш табылыр.
- Чыкълы кюнде чыкъмагъан, чыкъса къуру кирмеген.
- Окъуу – билимни ачхычы, окъуу – дунияны бачхычы.
Профиль
|
|
|||