- Джети тилни билген джети кишиди.
- Чомарт джарлы болмаз.
- Эки итни арасына сюек атма, эки адамны арасында сёз чыгъарма.
- Эки къатын алгъан – эки ташны ортасына башын салгъан.
- Суу да къайтады чыкъгъан джерине.
- Эр абынмай, эл танымаз.
- Къалгъан ишге къар джауар.
- Юреннген ауруу къалмаз.
- Джахил болса анасы, не билликди баласы?
- Гугук кесини атын айтыб къычыргъанча, мен, мен деб нек тураса?
- Алим болгъандан эсе, адам болгъан къыйынды.
- Къонакъны къачан кетерин сорма, къачан келлигин сор.
- Тенги кёбню джау алмаз, акъылы кёбню дау алмаз.
- Джарлы джети элни сёзюн этер.
- Ишин билген, аны сыйын чыгъарады.
- Эки къатын алгъанны къулагъы тынгнгаймаз.
- Джигер – джаннга къыйынлыкъ.
- Къазанчы аман болса, къазаны къайнамаз.
- Тай асырагъан, атха минер.
- Босагъагъа джууукъ орун болса, ашыгъыб тёрге озма.
- Ач къалгъандан, кеч къалгъан къолай.
- Ишни аллы бла къууанма да, арты бла къууан.
- Азыкъ аз болса, эртде орун сал.
- Джаханимни кёрмей, джандетге кёл салмазса.
- Билген билмегенни юретген адетди.
- Адамгъа аман кюн соруб келмейди.
- Ата – билек, ана – джюрек!
- Ашда уялгъан – мухар, ишде уялгъан – хомух.
- Эрни эр этерик да, къара джер этерик да, тиширыуду.
- Къонакъ аман болса, къонакъбай джунчур
- Билим – акъылны чырагъы.
- Кёбню кёрген – кёб билир.
- Къатыны харакетли болса, эри къымсыз болур.
- Къумурсхала джыйылсала, пилни да джыгъадыла.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ач келгенни – тойдур, кеч келгенни – къондур.
- Юйюнг бла джау болгъандан эсе, элинг бла джау бол.
- Тойчу джашха къарама, къойчу джашха къара.
- Сёлеш деб шай берген, тохта деб, сом берген.
- Джетген къыз джерли эшекни танымаз.
- Ётюрюкню къуйругъу – бир тутум.
- Шекер бла туз – бир болмаз, ушамагъан – юй болмаз.
- Ёлмесенг да, къарт дамы болмазса?
- Аджаллыгъа окъсуз шкок атылыр.
- Аджалсыз ёлюм болмаз.
- Ёлген ийнек сютлю болур.
- Алма терегинден кери кетмез.
- Эркишиге тары кебек танг кёрюнюр.
- Къыз чыгъаргъан – къызыл къымжа.
- Садакъачыны джаны – къапчыгъында.
Профиль
|
|
|
|||