- Уруну арты – къуру.
- Кимни – тили, тиши онглу, кимни – къолу, иши онглу.
- Асхат ашлыкъ сата, юйдегиси ачдан къата.
- Иги джашны ышаны – аз сёлешиб, кёб тынгылар.
- Ауузу бла къуш тута айланады.
- Биреуню тёрюнден, кесинги эшик артынг игиди.
- Байдан умут эте, джарлыдан ёгюз багъасы къорады.
- Сакъ юйюне сау барыр.
- Тенги кёбню джау алмаз, акъылы кёбню дау алмаз.
- Иги – алгъыш этер, аман – къаргъыш этер.
- Адеби болмагъан къыз – тузсуз хант.
- Ётюрюк хапар аякъ тюбю бла джюрюйдю.
- Магъанасыз сёз – тауушсуз сыбызгъы.
- Кенгеш болса, уруш болмаз.
- Къайгъыны сюйген, къайгъы табар.
- Къыйынлы джети элге оноу этер.
- Иги сёз – джаннга азыкъ, аман сёз башха – къазыкъ.
- Эм уллу байлыкъ – джан саулукъ.
- Къарыусузгъа кюлме, онгсузгъа тийме.
- Тюзлюк тас болмайды.
- Дууулдаса – бал чибин, къонса – къара чибин.
- Тёрде – темир таякълы, къаяда – чыпчыкъ аякълы.
- Экеулен сёлеше тура эселе, орталарына барыб кирме.
- Ёлген эшек бёрюден къоркъмайды.
- Атлыны ашхысы, ат тизгининден билинир
- Джыйырма къойну юч джыйырма эбзе кюте эди.
- Экиндини кеч къылсанг, чабыб джетер ашхам.
- Кюл тюбюндеги от кёрюнмейди.
- Ким бла джюрюсенг, аны кёзю бла кёрюнюрсе.
- Адам къыйынлыгъын кёлтюрюр, зауукълугъун кёлтюрмез.
- Кёзню ачылгъаны – иги, ауузну джабылгъаны – иги.
- Тойгъан джерге джети къайт.
- Ауузу аманнга «иги», деме.
- Сёз садакъдан кючлюдю.
- Ашыкъгъан cуу, тенгизге джетмез.
- Ач отунчуну ачыуу – бурнунда.
- Къызны минг тилер, бир алыр.
- Байма, деб да, къууанма, джарлыма, деб да, джылама.
- Ёксюзню тилеги къабыл болур.
- Бичгенде ашыкъма, тикгенде ашыкъ.
- Эртде тургъан джылкъычыны эркек аты тай табар.
- Намысы джокъну – дуниясы джокъ.
- Кёлю джокъну – джолу джокъ.
- Мени джылытмагъан кюн, меннге тиймесин!
- Джылыгъа джылан илешир.
- Кийимни бичсенг, кенг бич, тар этген къыйын тюлдю.
- Къонакъны къачан кетерин сорма, къачан келлигин сор.
- Джашда акъыл джокъ, къартда къарыу джокъ.
- Аууздан келген, къолдан келсе, ким да патчах болур эди.
- Aдам боллукъ, сыфатындан белгили.
Профиль
|
|
|
|||