- Эринчекни аурууу – кёб.
- Хазыр ашха – терен къашыкъ.
- Алма терегинден кери кетмез.
- Ашхы болсанг, атынг чыгъар, аман болсанг, джанынг чыгъар.
- Туз, гырджын аша, тюзлюк бла джаша.
- Рысхы – насыбха къор.
- Тамбла алтындан бюгюн багъыр ашхы.
- Ёнгкюч къууана барыр, джылай келир.
- Бети къызарыучу адамны, джюреги харам болмаз.
- Къайгъыны сюйген, къайгъы табар.
- Кёб джашагъан – кёб билир.
- Ёксюзню къалачы уллу кёрюнюр.
- Къарт болгъан джерде, берекет болур, сабий болгъан джерде, оюн болур.
- Къартны сыйын кёрмеген, къартлыгъында сыйлы болмаз.
- Ач, тоймам, дейди, тойгъан, ач болмам, дейди.
- Башсыз урчукъ тюзюне айланмаз.
- Джигер – джаннга къыйынлыкъ.
- Джогъун бар этген, барын бал этген.
- Биреуню эскиси биреуге джангы болмайды.
- Ашхы тенг джолгъа салыр, аман тенг джолдан тайдырыр.
- Таякъ этден ётер, тил сюекден ётер.
- Айран тёгюлсе, джугъусу къалыр.
- Джиби бир къат джетмей эди да, эки къат тарта эди.
- Болджал ишни бёрю ашар.
- Адебни адебсизден юрен.
- Керек ташны ауурлугъу джокъ.
- Чёбню кёлтюрсенг, тюбюнден сёз чыгъар.
- Сёз садакъдан кючлюдю.
- Чыкълы кюнде чыкъмагъан, чыкъса къуру кирмеген.
- Джангыз торгъай джырламаз.
- Хунаны тюбюн къазсанг, юсюнге ауар.
- Эртде тургъан бла эртде юйленнген сокъуранмаз.
- Аш берме да, къаш бер.
- Суугъа – чабакъ, къаягъа – ыргъакъ.
- Джол бла сёзню къыйыры джокъ.
- Агъач халкъгъа алтынды, иссиликге салкъынды.
- Намыс сатылыб алынмайды.
- От кюйдюрген, сау болса да, тот кюйдюрген, сау болмаз.
- Ат да турмайды бир териде.
- Баш – акъыл ючюн, акъылман – халкъ ючюн.
- Махтаннган къыз, тойда джукълар.
- Хантына кёре тузу, юйюне кёре къызы.
- Билимсиз иш бармаз.
- Къууут – джелге, берне – бошха.
- Арпа, будай – ащды, алтын, кюмюш а – ташды.
- Адам сёзге тынгыла, акъыл сёзню ангыла.
- Къарны аманнга къазан такъдырма, къолу аманнга от джакъдырма.
- Ишлегенде эринме, ишде чолакъ кёрюнме.
- Аман адамны тепсинге олтуртсанг, къызынгы тилер.
- Бермеген къол, алмайды.
Профиль
|
|
|
|||