- Кесинг сынамагъан затны, адамгъа буюрма.
- Къуру гыбыт бек дыгъырдар.
- Ётюрюкчюню шагъаты – къатында.
- Тешигини къатында, чычхан да батыр болур.
- Кёзден кетген, кёлден да кетеди.
- Баш – акъыл ючюн, акъылман – халкъ ючюн.
- Ёпкелегенни ашы татлы болады.
- Адамны аты башхача, акъылы да башхады.
- Тёзген – тёш ашар!
- Сабийни джумушха джибер да, ызындан бар.
- Уллу къашыкъ эрин джыртар.
- Уруну арты – къуру.
- Сагъышы джокъ – джукъучу, акъылы джокъ – къаугъачы.
- Къарнынг тойгъунчу аша да, белинг талгъынчы ишле.
- Садакъачыны джаны – къапчыгъында.
- Башда акъыл болмаса, эки аякъгъа кюч джетер.
- Кёзню ачылгъаны – иги, ауузну джабылгъаны – иги.
- Къонагъынгы артмагъын алма да, алгъышын ал.
- Экиндини кеч къылсанг, чабыб джетер ашхам.
- Билмейме деген – бир сёз
- Эри аманны, къатыны – аман.
- Джахил болса анасы, не билликди баласы?
- Къобан да къуру да къобханлай турмайды, адам да къуру да патчахлай турмайды.
- Ат да турмайды бир териде.
- Нафысынгы айтханын этме, намысынгы айтханын эт.
- Аманнга алтын чыдамаз.
- Тюзлюк тас болмайды.
- Гугук кесини атын айтыб къычыргъанча, мен, мен деб нек тураса?
- Шекер бла туз – бир болмаз, ушамагъан – юй болмаз.
- Ашарыкъда сайлагъаннга – чий гырджын.
- Иги – алгъыш этер, аман – къаргъыш этер.
- Билим къая тешер.
- Чакъырылгъанны аты, чакъырылмагъанны багъасы болур.
- Сакъ юйюне сау барыр.
- Эл ауузу – элек, анга ийнаннган – халек.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ана къолу ачытмаз.
- Джашынгы кесинг юретмесенг, джашау юретир.
- Уллу сёлешме да, уллу къаб.
- Телини эшигин, махтау джабар.
- Акъыллы эркиши атын махтар, акъылсыз эркиши къатынын махтар.
- Тойгъан джерден туугъан джер игиди.
- Эркиши – от, тиширыу – суу.
- Алим болгъандан эсе, адам болгъан къыйынды.
- Тилде сюек болмаса да, сюек сындырыр.
- Билимли ёлмез, билимсиз кёрмез.
- Кёл – къызбай, къол – батыр.
- Билим – акъылны чырагъы.
- Туз, гырджын аша, тюзлюк бла джаша.
- Джумушакъ терекни къурт ашар.
Профиль
|
|
|
|||