- Кёзюнде тереги болгъан, чёбю болгъаннга кюле эди.
- Ышармагъан – кюлмез, кюлмеген – къууанчны билмез.
- Тюз сёз баргъан сууну тыяр.
- Тиширыусуз юй – отсуз от джагъа.
- Айтханы чапыракъдан ётмеген.
- Намысы джокъну – дуниясы джокъ.
- Джаз бир кюнню джатсанг, къыш талай кюнню абынырса.
- Ёлмесенг да, къарт дамы болмазса?
- Акъыл сабырлыкъ берир.
- Тин – байлыгъынг, терен саулугъунг.
- Аш берме да, къаш бер.
- Аман къатын сабий табса, бий болур…
- Мен да «сен», дейме, сен да «кесим», дейсе.
- Кийимни бир кюнню аясанг, минг кюннге джарар.
- Башы ишлегенни, ауузу да ишлер.
- Кёл ашады да, кеси ашады.
- Джылар джаш, атасыны сакъалы бла ойнар.
- Кютгени беш эчки, сызгъыргъаны уа, джерни джарады.
- Къартны бурнун сюрт да, оноугъа тут.
- Магъанасыз сёз – тауушсуз сыбызгъы.
- Джахил болса анасы, не билликди баласы?
- Айырылгъанланы айю ашар, бёлюннгенлени бёрю ашар.
- Адамны аманы адамны бети бла ойнар.
- Тик ёргени, тик энгишгеси да болады.
- Адам сёзге тынгыла, акъыл сёзню ангыла.
- Халкъны джырын джырласанг, халкъ санга эжиу этер.
- Иги джашны ышаны – аз сёлешиб, кёб тынгылар.
- Насыб бютеу халкъны юлюшюдю.
- Бал ашаргъа сюе эсенг, чибин ургъаннга тёз.
- Ёлген ийнек сютлю болур.
- Ашхы тенг джолгъа салыр, аман тенг джолдан тайдырыр.
- Экеу тутушса, биреу джыгъылыр.
- Сабыр джетер муратха, сабырсыз къалыр уятха.
- Тил – миллетни джаны.
- Сабий кёргенин унутмаз.
- Джашлыкъ этмеген, башлыкъ этмез.
- Харам къарнашдан, халал тенг ашхы.
- Юй ишлеген балта эшикде къалыр.
- Ариу сёз – къылычдан джити.
- Соргъан айыб тюлдю, билмеген айыбды.
- Джыйырма къойну юч джыйырма эбзе кюте эди.
- Джолунга кёре – джюрюшюнг, джагъанга кёре – юлюшюнг.
- Акъыл къартда, джашда тюйюлдю – башдады.
- Билмезни кёзю кёрмез, этмезни къулагъы эшитмез.
- Тойчу джашха къарама, къойчу джашха къара.
- Джюрекге ариу – кёзге да ариу.
- Телини эшигин, махтау джабар.
- Сакъалы текени да бар, мыйыгъы киштикни да бар.
- Адамгъа аман кюн соруб келмейди.
- Ариу – кёзге, акъыл – джюрекге.
Профиль
|
|
|
|||