- Сыфатында болмагъаны, суратында болмаз.
- Ётюрюкден тюбю джокъ, кёлтюрюрге джиби джокъ.
- Гырджын – тепсини тамадасы.
- Орну джокъну – сыйы джокъ.
- Адебни адебсизден юрен.
- Ач бёрюге мекям джокъ.
- Ханнга да келеди хариблик.
- Ханы къызы буюгъа-буюгъа киштик болду.
- Игиге айтсанг – билир, аманнга айтсанг – кюлюр.
- Сёз сёзню айтдырыр.
- Къартны сыйын кёрмеген, къартлыгъында сыйлы болмаз.
- Эринчекни аурууу – кёб.
- Чомарт къонакъ юй иесин сыйлар.
- Баш – акъыл ючюн, акъылман – халкъ ючюн.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тау башында, тау болмаз, джангыз терек, бау болмаз.
- Джол бла сёзню къыйыры джокъ.
- Ким бла джюрюсенг, аны кёзю бла кёрюнюрсе.
- Къолу уллу – асыу, аягъы уллу – джарсыу.
- Ач уят къоймаз.
- Суу да къайтады чыкъгъан джерине.
- Билгенни къолу къарны джандырыр.
- Акъыл бла адеб эгизледиле.
- Къонакъ болсанг, ийнакъ бол.
- Мадар болса, къадар болур.
- Тенгни тенглиги джашай барсанг билинир.
- Чомарт къолда мал къалмаз.
- Борчунг бар эсе, хурджунунга ойлаб узал.
- Тыш элде солтан болгъандан эсе, кесинги элде олтан болгъан игиди!
- Рысхы – насыбха къор.
- Башы ишлегенни, ауузу да ишлер.
- Тюзню ётмеги тюзде къалса да, тас болмаз.
- Баланы адам этген анады.
- Ачлыкъ отха секиртир.
- Кёзден кетген, кёлден да кетеди.
- Тойгъан джерден туугъан джер игиди.
- Адам сёзюнден белгили.
- Ариу джол аджал келтирмез.
- Сууда джау джокъ, кёб сёзде магъана джокъ.
- Тюз сёз баргъан сууну тыяр.
- Тынгылагъан тынгы бузар.
- Тойгъа алгъа да барма, тойда артха да къалма.
- Кёзню ачылгъаны – иги, ауузну джабылгъаны – иги.
- Къарт айтханны этмеген, къартаймаз.
- Чомарт джарлы болмаз.
- Бёрю да ач къалмасын, эчки да ашалмасын.
- Адам къыйынлыгъын кёлтюрюр, зауукълугъун кёлтюрмез.
- Кюн – узун, ёмюр – къысха.
- Тешигини къатында, чычхан да батыр болур.
- Къан бла кирген, джан бла чыгъар.
Профиль
|
|
|||