- Иги джашны ышаны – аз сёлешиб, кёб тынгылар.
- Джан саулукъ бермей, сан саулукъ бермезсе.
- Акъыл неден да кючлюдю.
- Ашхы адам – халкъ байлыгъы, ашхы джер – джашау байлыгъы.
- Къонакъ аз олтурур, кёб сынар.
- Халкъны юйю – туугъан джери.
- Тойгъа алгъа да барма, тойда артха да къалма.
- Элде адам къалмаса, ит тахтагъа минер.
- Тюзлюк шохлукъну бегитир.
- Ата – билек, ана – джюрек!
- Абынмазлыкъ аякъ джокъ, джангылмазлыкъ джаякъ джокъ.
- Намыс болмагъан джерде, насыб болмаз.
- Гугук кесини атын айтыб къычыргъанча, мен, мен деб нек тураса?
- Къалгъан ишге къар джауар.
- Телиге от эт десенг, юйюнге от салыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Кёлю джокъну – джолу джокъ.
- Къонакъ кёб келюучю юйню, къазаны отдан тюшмез.
- Кёз – сюйген джерде, къол – ауругъан джерде.
- Эркишиге тары кебек танг кёрюнюр.
- Эки элинги тыйсанг, джети элде махталырса.
- Къарт бла баш аша, джаш бла аякъ аша.
- Ёпкелегенни ашы татлы болады.
- Тили узунну, намысы – къысха.
- Битмегеннге сакъал – танг.
- Хар адамгъа кеси миннген тау кибик.
- Окъдан джара эртде-кеч болса да бителир, сёз джара, ёмюрге къалыр.
- Уллу къазанда бишген эт, чий къалмаз.
- Башланнган иш битер, къымылдагъан тиш тюшер.
- Биреуню эскиси биреуге джангы болмайды.
- Эте билген, этген этеди, эте билмеген, юретген этеди!
- Татлы тилде – сёз ариу, чемер къолда – иш ариу.
- Берекет берсин деген джерде, берекет болур.
- Байлыкъ болгъан джерде, тынчлыкъ джокъду.
- Биреуге кёлтюрген таягъынг, кесинги башынга урур.
- Чакъырылгъанны аты, чакъырылмагъанны багъасы болур.
- Хата – гитчеден.
- Таш ата билмеген, башына урур.
- Ашда – бёрю, ишде – ёлю.
- Къар – келтирди, суу – элтди.
- Ичимден чыкъды хата, къайры барайым сата?
- Адамны сыфатына къарама, сёзюне къара.
- Эркишини аманы тиширыуну джылатыр.
- Бичгенде ашыкъма, тикгенде ашыкъ.
- Аджал соруб келмез, келсе, къайтыб кетмез.
- Билим насыб берир, билим джолну керир.
- Аманнга да, игиге да оноусуз къатышма.
- Таукел адам тау тешер.
- Туз, гырджын аша, тюзлюк бла джаша.
- Иги сеники эсе да, сюйген кесимикин этеме.
Профиль
|
|
|||