- Ёгюзню мюйюзлери ауурлукъ этмейдиле.
- Кеси юйюмде мен да ханма.
- Итли къонакъ джарашмаз.
- Тик ёргени, тик энгишгеси да болады.
- Чомартны къолу берекет.
- Къарын къуру болса, джюрек уру болур.
- Таукел къуру къалмаз.
- Сагъыш – къартлыкъгъа сюйюмчю.
- Ата Джуртча джер болмаз, туугъан элча эл болмаз.
- От этилмеген джерден тютюн чыкъмайды.
- Иги сёз – джаннга азыкъ, аман сёз башха – къазыкъ.
- Эринчекге кюн узун.
- Аз сёлешген, къайгъысыз турур.
- Джукъу тёшек сайламайды.
- Тёрени джагъы джокъ.
- Сууда джау джокъ, кёб сёзде магъана джокъ.
- Тилчиден кери бол.
- Ёлюр джаннга, ёкюл джокъ.
- Ишге юренсин къоллары, халкъ бла болсун джоллары.
- Джюз элде джюз ёгюзюм болгъандан эсе, джюз джууугъум болсун.
- Эркиши – от, тиширыу – суу.
- Сыфатында болмагъаны, суратында болмаз.
- Джылкъыдан – ат чыгъар, тукъумдан – джаш чыгъар.
- Кёл – къызбай, къол – батыр.
- Ишни аллы бла къууанма да, арты бла къууан.
- Дженгил джетерикме деб, узун джолну къоюб, къысхасын барма.
- Къозулугъунда тоймагъан, къойлугъунда тоймаз.
- Туз, гырджын аша, тюзлюк бла джаша.
- Тамчы таш тешер.
- Адам къыйынлыгъын кёлтюрюр, зауукълугъун кёлтюрмез.
- Экеулен сёлеше тура эселе, орталарына барыб кирме.
- Аманнга игилик этсенг, юйюнге сау бармазса.
- Таула не мийик болсала да, аууш табылыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эринчекни аурууу – кёб.
- Керти сёзге тёре джокъ.
- Гырджын – тепсини тамадасы.
- Агъач – джерни чырайы, кийим – эрни чырайы.
- Ётюрюкчюню шагъаты – къатында.
- Юйюнг бла джау болгъандан эсе, элинг бла джау бол.
- Аш иеси бла татлыды.
- «Ма», - дегенни билмесенг, «бер», - дегенни билмезсе.
- Тойгъанлыкъ къойгъа джарашады.
- Джахил болса анасы, не билликди баласы?
- Алим болгъандан эсе, адам болгъан къыйынды.
- Къатын къылыкъсыз, эр тынчлыкъсыз.
- Эм уллу байлыкъ – джан саулукъ.
- Кюн кёрмеген, кюн кёрсе, кюндюз чыракъ джандырыр.
- Атлыны ашхысы, ат тизгининден билинир
- Джарашыу сюйген – джалынчакъ.
Профиль
|
||||