- Танг атмайма десе да, кюн къоярыкъ тюйюлдю.
- Ышармагъан – кюлмез, кюлмеген – къууанчны билмез.
- Эр абынмай, эл танымаз.
- Кёзню ачылгъаны – иги, ауузну джабылгъаны – иги.
- Тойну къарнашы – харс, джырны къарнашы – эжиу.
- Уллу атлама – абынырса, уллу къабма – къарылырса.
- Артына баргъанны, къатына барма.
- Кёл – къызбай, къол – батыр.
- Ёгюзню мюйюзлери ауурлукъ этмейдиле.
- Ата – баланы уясы.
- Туз, гырджын аша, тюзлюк бла джаша.
- Алма терегинден кери кетмез.
- Элиб деген, элге болушур.
- Харам къарнашдан, халал тенг ашхы.
- Кюл тюбюндеги от кёрюнмейди.
- Ауузу бла къуш тута айланады.
- Байдан умут эте, джарлыдан ёгюз багъасы къорады.
- Накъырданы арты керти болур.
- Ётюрюкден тюбю джокъ, кёлтюрюрге джиби джокъ.
- Юй ишлеген балта эшикде къалыр.
- Аман адам этегингден тутса, кес да къач.
- Ётюрюк хапар аякъ тюбю бла джюрюйдю.
- Акъыллы айтыр эди, акъылсыз къоймайды.
- Босагъа таш юйге кирмей эди, тыбыр таш эшикге чыкъмай эди.
- Къонакъ болсанг, ийнакъ бол.
- Ишлерге уял да, ашаргъа табма.
- Ётюрюкню башын керти кесер.
- Аякъларынгы джууургъанынга кёре узат.
- Адебни адебсизден юрен.
- Джарлы эскисин джамаса, къууаныр.
- Тёзген – тёш ашар!
- Къобан да къуру да къобханлай турмайды, адам да къуру да патчахлай турмайды.
- Эллинг бла джау болсанг да, юйюнг бла джау болма.
- Хансыз джомакъ болмаз.
- Сёз садакъдан кючлюдю.
- Ишге юренсин къоллары, халкъ бла болсун джоллары.
- Чабакъгъа акъыл, табагъа тюшсе келеди.
- Элге къуллукъ этмеген, элге ие болмаз.
- Ач къарным, тынч къулагъым.
- Акъыл къартда, джашда тюйюлдю – башдады.
- Чомартха хар кюн да байрамды.
- Къанны къан бла джуума, аманны аман бла къуума.
- Бастасын ашагъан, хантусун да ичер.
- Кесинг сынамагъан затны, адамгъа буюрма.
- Абынмазлыкъ аякъ джокъ, джангылмазлыкъ джаякъ джокъ.
- Ата Джуртун танымагъан, атасын да танымаз.
- Бек анасы джыламаз.
- Къатын къылыкъсыз, эр тынчлыкъсыз.
- Аджашханны ызындагъы кёреди, джангылгъанны джанындагъы биледи.
- Айтылгъан буйрукъ, сёгюлмез
Профиль
|
|
|
|||