- Кюн – узун, ёмюр – къысха.
- Таугъа чыгъаллыкъ эсенг, тюзде къалма.
- Къазанчы аман болса, къазаны къайнамаз.
- Джерни букъусу кёкге къонмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Адамны сыфатына къарама, сёзюне къара.
- Аман адам этегингден тутса, кес да къач.
- Къарт айтханны этмеген, къартаймаз.
- Акъыл неден да кючлюдю.
- Алма терегинден кери кетмез.
- Иги – алгъыш этер, аман – къаргъыш этер.
- Къалгъан ишге къар джауар.
- Чомартха Тейри да борчлуду.
- Айранны сюйген, ийнек тутар.
- Башынга джетмегенни сорма.
- Адеб этмеген, адеб кёрмез.
- Айран ичген – къутулду, джугъусун джалагъан – тутулду.
- Мал кёб болса, джууукъ кёб болур.
- Босагъагъа джууукъ орун болса, ашыгъыб тёрге озма.
- Таякъ этден ётер, тил сюекден ётер.
- Гугурук къычырмаса да, тангны атары къалмаз.
- Арбаз къынгырды да, ийнек сауалмайма.
- Ишге юренсин къоллары, халкъ бла болсун джоллары.
- Тёрде – темир таякълы, къаяда – чыпчыкъ аякълы.
- Джырчы ёлсе, джыры къалыр.
- Ышармагъан – кюлмез, кюлмеген – къууанчны билмез.
- Келлик заман – къартлыкъ келтирир, кетген заман – джашлыкъ ёлтюрюр.
- Къонакъ болсанг, ийнакъ бол.
- Телини эшигин, махтау джабар.
- Биреуню эскиси биреуге джангы болмайды.
- Эрни эр этерик да, къара джер этерик да, тиширыуду.
- Ашарыкъда сайлагъаннга – чий гырджын.
- Алтыда кюлмеген, алтмышда кюлмез.
- Кёзюнде тереги болгъан, чёбю болгъаннга кюле эди.
- Эл ауузу – элия.
- Бёрю да ач къалмасын, эчки да ашалмасын.
- Къуллукъчума, деб махтанма, къуллукъ – хаух джамчыды!
- Уллу атлама – абынырса, уллу къабма – къарылырса.
- Ашхы тенг джолгъа салыр, аман тенг джолдан тайдырыр.
- Керти сёзге тёре джокъ.
- Тюз сёз баргъан сууну тыяр.
- Адамны сабийин сюйген джюреги, бычакъча, джитиди.
- Ата – баланы уясы.
- Ойнай билмеген, оюн бузар.
- Джюрек кёзден алгъа кёрюр.
- Джолунга кёре – джюрюшюнг, джагъанга кёре – юлюшюнг.
- Ашхы сёз таш тешер.
- Байма, деб да, къууанма, джарлыма, деб да, джылама.
- Намысы болмагъанны, сыйы болмаз.
- Тили узунну, намысы – къысха.
Профиль
|
||||