- Атлыны кёрсе, джаяуну буту талыр.
- Билим – акъылны чырагъы.
- Аман къатын алгъан, арыр, иги къатын алгъан джарыр.
- Арпа, будай – ащды, алтын, кюмюш а – ташды.
- Тюзлюк тас болмайды.
- Къыз келсе, джумуш эте келеди, къатын келсе, ушакъ эте келеди.
- Джуртун къоругъан озар.
- Къарнынг къанлынга кийирир.
- Сабыр джетер муратха, сабырсыз къалыр уятха.
- Сёз садакъдан кючлюдю.
- Рысхы – сют юсюнде кёмюк кибикди.
- Мухардан ач ычхынмаз.
- Тил джюрекге джол ишлейди.
- Ётюрюкден тюбю джокъ, кёлтюрюрге джиби джокъ.
- Къарны аманнга къазан такъдырма, къолу аманнга от джакъдырма.
- Джырчы ёлсе, джыры къалыр.
- Сакъламагъан затынга джолукъсанг, не бек къууанаса, не бек ачыйса.
- Келинни – келгинчи, бёркню кийгинчи кёр.
- Юре билмеген ит, къонакъ келтирир.
- Билген билмегенни юретген адетди.
- Арыгъан къош чамчы болур.
- Ач отунчуну ачыуу – бурнунда.
- Эки ойлашыб, бир сёлешген.
- Хар адамгъа кеси миннген тау кибик.
- Мухар, кеси тойса да, кёзю тоймаз.
- Дуния малгъа сатылма, кесингден телиге къатылма.
- Зар адамны насыбы болмаз.
- Кёбге таш атма.
- Тешик этген тынчды, аны джамагъан къыйынды.
- Нафысынгы айтханын этме, намысынгы айтханын эт.
- Джумушакъ терекни къурт ашар.
- Чакъырылмагъан джерге барма, чакъырылгъан джерден къалма.
- Ашыкъгъанны этеги бутуна чырмалыр.
- Джарашыу сюйген – джалынчакъ.
- Джаз бир кюнню джатсанг, къыш талай кюнню абынырса.
- Къууут – джелге, берне – бошха.
- Джан саулукъ бермей, сан саулукъ бермезсе.
- Билим къая тешер.
- Адеби болмагъан къыз – тузсуз хант.
- Байлыкъ адамны сокъур этер.
- Ишленмеклик адамлыкъды.
- Дууулдаса – бал чибин, къонса – къара чибин.
- Ётюрюк хапар аякъ тюбю бла джюрюйдю.
- Аджалсыз ёлюм болмаз.
- Джашны джигитлиги сорулур, къызны джигерлиги сорулур.
- Сёз сёзню айтдырыр.
- Билим насыб берир, билим джолну керир.
- Садакъачыны джаны – къапчыгъында.
- Акъдан къара болмаз.
- Джети тилни билген джети кишиди.
Профиль
|
|
|||