- От кюйдюрген, сау болса да, тот кюйдюрген, сау болмаз.
- Акъыллы эркиши атын махтар, акъылсыз эркиши къатынын махтар.
- Тойну къарнашы – харс, джырны къарнашы – эжиу.
- Ойнай билмеген, оюн бузар.
- Мухарны эси – ашарыкъда.
- Айтханы чапыракъдан ётмеген.
- Кесинге джетмегенни, кёб сёлешме.
- Эрни эр этерик да, къара джер этерик да, тиширыуду.
- Адебни адебсизден юрен.
- Акъыллы башны – тили къысха.
- Тёрени джагъы джокъ.
- Къыз тиширыу кеси юйюнде да къонакъды.
- Эл элде бирер малынг болгъандан эсе, бирер тенгинг болсун.
- Эм уллу байлыкъ – джан саулукъ.
- Аман адам элни бир-бирине джау этер.
- Келлик заман – къартлыкъ келтирир, кетген заман – джашлыкъ ёлтюрюр.
- Ашлыкъ – бюртюкден, джюн – тюкден.
- Мал кёб болса, джууукъ кёб болур.
- Ачыу алгъа келсе, акъыл артха къалады.
- Джюрекден джюрекге джол барды.
- Аш кетер да бет къалыр.
- Кёзю сокъурдан – къоркъма, кёлю сокъурдан – къоркъ.
- Ханнга да келеди хариблик.
- Къартны сыйын кёрмеген, къартлыгъында сыйлы болмаз.
- Чакъырылмагъан къонакъ къачан кетерин сормаз.
- Ата Джуртча джер болмаз, туугъан элча эл болмаз.
- Бети бедерден, намыс сакълама.
- Къонакъ аз олтурур, кёб сынар.
- Юйюнг бла джау болгъандан эсе, элинг бла джау бол.
- Аджалсыз ёлюм болмаз.
- Ач уят къоймаз.
- Рысхы – насыбха къор.
- Сагъыш – къартлыкъгъа сюйюмчю.
- Атынг аманнга чыкъгъандан эсе, джанынг тамагъынгдан чыкъсын.
- Ашхы адам – халкъ байлыгъы, ашхы джер – джашау байлыгъы.
- Къарны аманнга къазан такъдырма, къолу аманнга от джакъдырма.
- Сабийни джумушха джибер да, ызындан бар.
- Кийим тукъум сордурур.
- Тюкюрюк баш джармаз, налат кёз чыгъармаз!
- Аман эсирсе, юйюн ояр.
- Кенгеш болса, уруш болмаз.
- Мал тутхан – май джалар.
- Къулакъдан эсе, кёзге ышан.
- Окъдан джара эртде-кеч болса да бителир, сёз джара, ёмюрге къалыр.
- Ауузу бла къуш тута айланады.
- Тенгинг джокъ эсе – изле, бар эсе – сакъла!
- Дуния аламаты сен эсенг да, игиме деб айтма.
- Адамны аманы адамны бети бла ойнар.
- Тилчи бир сагъатха айлыкъ хата этер.
- Чомарт къонакъ юй иесин сыйлар.
Профиль
|
|
|
|||