- Къолунгдан къуймакъ ашатсанг да, атаны борчундан къутулмазса.
- Адамны аты башхача, акъылы да башхады.
- Айыбны суу бла джууалмазса.
- Акъыллы эркиши атын махтар, акъылсыз эркиши къатынын махтар.
- Ана къолу ачытмаз.
- Адам туугъан джеринде, ит тойгъан джеринде.
- Тойгъа барсанг, тоюб бар, эски тонунгу къоюб бар.
- Акъыл неден да кючлюдю.
- Малны кют, джерни тюрт.
- Адеб этмеген, адеб кёрмез.
- Босагъагъа джууукъ орун болса, ашыгъыб тёрге озма.
- Къатын къылыкъсыз, эр тынчлыкъсыз.
- Сёз сёзню айтдырыр.
- Къарт айтханны этмеген, къартаймаз.
- Ёнгкюч къууана барыр, джылай келир.
- Тил – кесген бычакъ, сёз – атылгъан окъ.
- Акъыл къартда, джашда тюйюлдю – башдады.
- Къыз тиширыу кеси юйюнде да къонакъды.
- Джол бла сёзню къыйыры джокъ.
- Ётюрюк хапар аякъ тюбю бла джюрюйдю.
- Рысхы джалгъанды: келген да этер, кетген да этер.
- Тилчи тилден къаныкъмаз.
- Ёксюзню тилеги къабыл болур.
- Бир онгсуз адам адет чыгъарды, деб эштирик тюлсе.
- Кюлме джашха – келир башха.
- Акъыл бла адеб эгизледиле.
- Телиге от эт десенг, юйюнге от салыр.
- Ач, тоймам, дейди, тойгъан, ач болмам, дейди.
- Сагъышы джокъ – джукъучу, акъылы джокъ – къаугъачы.
- Мен да «сен», дейме, сен да «кесим», дейсе.
- Кийимни бир кюнню аясанг, минг кюннге джарар.
- Аджаллыгъа окъсуз шкок атылыр.
- Бети бедерден, намыс сакълама.
- Къарнынг ауруса, ауузунгу тый
- Ойнай билмеген, уруб къачар.
- Ойнай билмеген, оюн бузар.
- Чёбню кёлтюрсенг, тюбюнден сёз чыгъар.
- Кийимни бичсенг, кенг бич, тар этген къыйын тюлдю.
- Окъуусуз билим – джокъ, билимсиз кюнюнг – джокъ.
- Урунуу – насыбны анасы.
- Алим болгъандан эсе, адам болгъан къыйынды.
- Олтуруб кёрюнмей эди да, ёрге туруб кёрюне эди.
- Ышармагъан – кюлмез, кюлмеген – къууанчны билмез.
- Ишлемеген – тишлемез.
- Берекет берсин деген джерде, берекет болур.
- Кёл – къызбай, къол – батыр.
- Аман къатын сабий табса, бий болур…
- Чомарт бергенин айтмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Биреуню къыйынлыгъы бла кесинге джол ишлеме.
Профиль
|
|
|||