- Эл бла кёргенинг эрелей.
- Ашда уялгъан – мухар, ишде уялгъан – хомух.
- Эм уллу байлыкъ – джан саулукъ.
- Тойчу джашха къарама, къойчу джашха къара.
- Акъыл къартда, джашда тюйюлдю – башдады.
- Душманны тышы – акъ, ичи – къара.
- Аджашхан тёгерек айланыр.
- Акъыл аздырмаз, билим тоздурмаз.
- Алтыннга тот къонмаз.
- Тёрени джагъы джокъ.
- Тюз сёз баргъан сууну тыяр.
- Ач отунчуну ачыуу – бурнунда.
- Ачлыкъ отха секиртир.
- Сагъыш – къартлыкъгъа сюйюмчю.
- Эки къатын алгъанны къулагъы тынгнгаймаз.
- Билмегенинги, билгеннге сор.
- Тёзген – тёш ашар!
- Абынмазлыкъ аякъ джокъ, джангылмазлыкъ джаякъ джокъ.
- Игиге айтсанг – билир, аманнга айтсанг – кюлюр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джуртун къоругъан озар.
- Къонакъ кёб келюучю юйню, къазаны отдан тюшмез.
- Олтуруб кёрюнмей эди да, ёрге туруб кёрюне эди.
- Тилде сюек болмаса да, сюек сындырыр.
- Болджал ишни бёрю ашар.
- Бир онгсуз адам адет чыгъарды, деб эштирик тюлсе.
- Акъылсызны джууукъгъа алма, акъыллыны кенгнге салма.
- Къонакъ аман болса, къонакъбай джунчур
- Баргъанынга кёре болур келгенинг.
- Джашны джигитлиги сорулур, къызны джигерлиги сорулур.
- Юйлю уругъа ит чабмаз.
- Рысхы – насыбха къор.
- Эри аманны, къатыны – аман.
- Акъыл сабырлыкъ берир.
- Рысхы – сют юсюнде кёмюк кибикди.
- Асхат ашлыкъ сата, юйдегиси ачдан къата.
- «Ма», - дегенни билмесенг, «бер», - дегенни билмезсе.
- Аякъларынгы джууургъанынга кёре узат.
- Тюзлюк шохлукъну бегитир.
- Суугъа – чабакъ, къаягъа – ыргъакъ.
- Кёбге таш атма.
- Кесинг сынамагъан затны, адамгъа буюрма.
- Ётген ёмюр – акъгъан суу.
- Джумушакъ сёз къаты таякъны сындырыр.
- Тешигини къатында, чычхан да батыр болур.
- Эрни эр этерик да, къара джер этерик да, тиширыуду.
- Аманнга алтын чыдамаз.
- Джол бла сёзню къыйыры джокъ.
- Джогъун бар этген, барын бал этген.
- Алгъанда – джууукъ, бергенде – джау.
Профиль
|
|
|||