- Тамырсыз терекге таянма – джыгъылырса.
- Къан бла кирген, джан бла чыгъар.
- Баргъанынга кёре болур келгенинг.
- Ашда – бёрю, ишде – ёлю.
- Кесине оноу эте билмеген, халкъына да эте билмез.
- Сёз – кюмюш, джыр – алтын.
- Ханнга да келеди хариблик.
- Мал ёлсе, сюек къалыр, адам ёлсе, иши къалыр.
- Къонакъны къачан кетерин сорма, къачан келлигин сор.
- Къызгъанчдан ычхыныр, мухардан ычхынмаз.
- Джангыз торгъай джырламаз.
- Айтылгъан сёз ызына къайтмаз.
- Аманны эки битли тону болур, бирин сеннге кийдирир, бирин кеси киер.
- От кюйдюрген, сау болса да, тот кюйдюрген, сау болмаз.
- Мураты болгъанны джюрек тебюую башхады.
- Ишлерге уял да, ашаргъа табма.
- Эрни эр этерик да, къара джер этерик да, тиширыуду.
- Тил джюрекге джол ишлейди.
- Азыкълы ат арымаз, къатыны аман джарымаз.
- Асхат ашлыкъ сата, юйдегиси ачдан къата.
- Ойнай-ойнай кёз чыгъар.
- Аман адам элни бир-бирине джау этер.
- Тик ёргени, тик энгишгеси да болады.
- Иги адам абынса да, джангылмаз.
- Накъырда – кертини келечиси.
- Тойгъандан сора, ашны сёкме.
- Босагъагъа джууукъ орун болса, ашыгъыб тёрге озма.
- Сагъыш – къартлыкъгъа сюйюмчю.
- Джауумдан сора, кюн кюйдюрюр, ётюрюкден сора, айыб кюйдюрюр.
- Акъыллы эркиши атын махтар, акъылсыз эркиши къатынын махтар.
- Игини сыйлагъан адетди.
- Тюз сёз баргъан сууну тыяр.
- Сёз къанатсыз учар.
- Минг тенг да азды, бир джау да кёбдю.
- Джангыз терек къынгыр ёсер.
- Ётюрюкден тюбю джокъ, кёлтюрюрге джиби джокъ.
- Джылар джаш, атасыны сакъалы бла ойнар.
- Джарашыу сюйген – джалынчакъ.
- Итли къонакъ джарашмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Билеги кючлю, бирни джыгъар, билими кючлю, мингни джыгъар.
- Къошда джокъгъа – юлюш джокъ.
- Аз айтсам, кёб ангылагъыз.
- Кёбге таш атма.
- Бал ашаргъа сюе эсенг, чибин ургъаннга тёз.
- Aдам боллукъ, сыфатындан белгили.
- Кёл ашады да, кеси ашады.
- Байны оноуу, джарлыгъа джарамаз.
- Ишин билген, аны сыйын чыгъарады.
- Къайгъы тюбю – тенгиз.
Профиль
|
|
|||