- Джырчы джырчыгъа – къарнаш.
- Рысхы джалгъанды: келген да этер, кетген да этер.
- Гугук кесини атын айтыб къычыргъанча, мен, мен деб нек тураса?
- Къая джолда джортма, ачыкъ сёзден къоркъма.
- Ана къолу ачытмаз.
- Сакъ юйюне сау барыр.
- Аууз сакълагъан – джан сакълар.
- Этни бети бла шорпасы.
- Аман адам элни бир-бирине джау этер.
- Тёрени джагъы джокъ.
- Ким бла джюрюсенг, аны кёзю бла кёрюнюрсе.
- Чоюнну башы ачыкъ болса, итге уят керекди.
- Тёзгеннге, джабылгъан эшик ачылыр.
- Тынгылагъан тынгы бузар.
- Байлыкъ келсе, акъыл кетер.
- Джаханимни кёрмей, джандетге кёл салмазса.
- Aдам боллукъ, сыфатындан белгили.
- Джукъу тёшек сайламайды.
- Биреу къой излей, биреу той излей.
- Сабыр джетер муратха, сабырсыз къалыр уятха.
- Биреуге аманлыкъ этиб, кесинге игилик табмазса.
- Къартха ушагъан джаш – акъыллы, джашха ушагъан къарт – тели.
- Адам къаллай бир ишленмесе, аллай бир кесин уллу кёреди.
- Биреу ашаб къутулур, биреу джалаб тутулур.
- Аджашхан тёгерек айланыр.
- Зар адам ашынгы ашар, кесинги сатар.
- Чыбыкълыкъда бюгюлмеген, къазыкълыкъда бюгюлмей эди.
- Джюрек кёзден алгъа кёрюр.
- Эки къатын алгъан – эки ташны ортасына башын салгъан.
- Айтханы чапыракъдан ётмеген.
- Эшекни не къадар тюйсенг да, ат болмаз.
- Сабийни джумушха джибер да, ызындан бар.
- Алгъанда – джууукъ, бергенде – джау.
- Ачлыкъда тары гырджын халыуадан татлы.
- Тилчи бир сагъатха айлыкъ хата этер.
- Биреуге аманлыкъны тилеме да, кесинге ашхылыкъны тиле.
- Акъыл неден да кючлюдю.
- Сёз – кюмюш, джыр – алтын.
- Кёз – сюйген джерде, къол – ауругъан джерде.
- Хар ишни да аллы къыйынды.
- Адебсиз адам – джюгенсиз ат.
- Таула не мийик болсала да, аууш табылыр.
- Сакъалы текени да бар, мыйыгъы киштикни да бар.
- Сормай – алма, чакъырылмай – барма.
- Джарлы эскисин джамаса, къууаныр.
- Тилсиз миллет джокъ болур.
- Тойгъа барсанг, тоюб бар, эски тонунгу къоюб бар.
- Ханнга да келеди хариблик.
- Тёзген – тёш ашар!
- Тилчи тилден къаныкъмаз.
Профиль
|
|
|||