- Кесине оноу эте билмеген, халкъына да эте билмез.
- Биреуню къыйынлыгъы бла кесинге джол ишлеме.
- Кёкдеги болмаса, джердегин кёрмейди.
- Тин – байлыгъынг, терен саулугъунг.
- Халкъгъа джарагъан, джарлы къалмаз.
- Иги сёз – джаннга азыкъ, аман сёз башха – къазыкъ.
- Хантына кёре тузу, юйюне кёре къызы.
- Болджал ишни бёрю ашар.
- Адамгъа аман кюн соруб келмейди.
- Мал тутхан – май джалар.
- Аш иеси бла татлыды.
- Чомарт къолда мал къалмаз.
- Аманны къуугъан, аманлыкъ табар.
- Атынг аманнга чыкъгъандан эсе, джанынг тамагъынгдан чыкъсын.
- Джылкъыдан – ат чыгъар, тукъумдан – джаш чыгъар.
- Сыфатында болмагъаны, суратында болмаз.
- Уллу айтханны этмеген – уллаймаз.
- Чабар ат – джетген къыз.
- Аман къатын сабий табса, бий болур…
- Билимсиз иш бармаз.
- Дууулдаса – бал чибин, къонса – къара чибин.
- Ачыкъ джюрекге джол – ачыкъ.
- Сабийни джумушха джибер да, ызындан бар.
- Ач – эснер, ат – кишнер.
- Эл ауузу – элия.
- Айтханы чапыракъдан ётмеген.
- Адамны аты башхача, акъылы да башхады.
- Ауурну тюбю бла, дженгилни башы бла джюрюген.
- Тойгъандан сора, ашны сёкме.
- Атлыны ашхысы, ат тизгининден билинир
- Ойнай билмеген, уруб къачар.
- Ашыкъгъанны этеги бутуна чырмалыр.
- Кенгеш болса, уруш болмаз.
- Билим къая тешер.
- Накъырда – кертини келечиси.
- Арба аугъандан сора, джол кёргюзтюучю кёб болур.
- Сабий кёргенин унутмаз.
- Мени джылытмагъан кюн, меннге тиймесин!
- Адебсиз адам – джюгенсиз ат.
- Джарлы эскисин джамаса, къууаныр.
- Юреннген ауруу къалмаз.
- Хар ишни да аллы къыйынды.
- Ачылгъан эт джабылыр, кёрген кёз унутмаз.
- Кёзню ачылгъаны – иги, ауузну джабылгъаны – иги.
- Ач къарным, тынч къулагъым.
- Арпа, будай – ащды, алтын, кюмюш а – ташды.
- Джашны джигитлиги сорулур, къызны джигерлиги сорулур.
- Адам боллукъ, атламындан белгили болур.
- Джыланны къуйругъундан басарынг келсе, аны башы болгъанын унутма.
- Баш – акъыл ючюн, акъылман – халкъ ючюн.
Профиль
|
|
|
|||