- Сёз къанатсыз учар.
- Ата Джуртун танымагъан, атасын да танымаз.
- Ачыкъ джюрекге джол – ачыкъ.
- Нафысынгы айтханын этме, намысынгы айтханын эт.
- Халкъгъа джарагъан, джарлы къалмаз.
- Тёзген – тёш ашар!
- Эки къатын алгъан – эки ташны ортасына башын салгъан.
- Соргъан айыб тюлдю, билмеген айыбды.
- Хар ишни да аллы къыйынды.
- Эл бла кёргенинг эрелей.
- Ачны эсинде – аш.
- Джаным-тиним – окъуу, билим.
- Aдам боллукъ, сыфатындан белгили.
- Къыз тиширыу кеси юйюнде да къонакъды.
- Эркиши – от, тиширыу – суу.
- Бал чибинни ургъаны – ачы, балы – татлы.
- Ёмюрлюк шохлукъну джел элтмез.
- Уруну арты – къуру.
- Ким бла джюрюсенг, аны кёзю бла кёрюнюрсе.
- Аман адамны тепсинге олтуртсанг, къызынгы тилер.
- Уллу сёзде уят джокъ.
- Къумурсхала джыйылсала, пилни да джыгъадыла.
- Бети бедерден, намыс сакълама.
- Биреуге кёлтюрген таягъынг, кесинги башынга урур.
- Джаш къарыу бла кючлю, къарт акъыл бла кючлю.
- Атынг аманнга чыкъгъандан эсе, джанынг тамагъынгдан чыкъсын.
- Гугурук къычырмаса да, тангны атары къалмаз.
- Керилген да, ургъан кибикди.
- Юреннген ауруу къалмаз.
- Айраннга суу къош, телиге джол бош.
- Окъугъан озар, окъумагъан тозар.
- Гугук кесини атын айтыб къычыргъанча, мен, мен деб нек тураса?
- Джюрек кёзден алгъа кёрюр.
- Накъырда – кертини келечиси.
- Айран ичген – къутулду, джугъусун джалагъан – тутулду.
- Биреуню тёрюнден, кесинги эшик артынг игиди.
- Огъурлуну сёзю – суу, огъурсузну сёзю – уу.
- Эки ойлашыб, бир сёлешген.
- Адебни адебсизден юрен.
- Тёрени джагъы джокъ.
- Адамны бетине къарама, адетине къара.
- Тилсиз миллет джокъ болур.
- Эшекни не къадар тюйсенг да, ат болмаз.
- Терек ауса, отунчу – кёб.
- Джолда аягъынга сакъ бол, ушакъда тилинге сакъ бол.
- Экеу тутушса, биреу джыгъылыр.
- Кийиминг бла танылма, адамлыкъ бла таныл.
- Аманнга да, игиге да оноусуз къатышма.
- Ач келгенни – тойдур, кеч келгенни – къондур.
- Иги сеники эсе да, сюйген кесимикин этеме.
Профиль
|
|
|||