Эльбрусоид :: Форум

Айранны сюйген, ийнек тутар.
Тёрде – темир таякълы, къаяда – чыпчыкъ аякълы.
Тойчу джашха къарама, къойчу джашха къара.
Тилчи тилден къаныкъмаз.
Чабар ат – джетген къыз.
Бети – къучакълар, джюреги – бычакълар.
Джигер – джаннга къыйынлыкъ.
Дуния аламаты сен эсенг да, игиме деб айтма.
Къызны минг тилер, бир алыр.
Дженгил джетерикме деб, узун джолну къоюб, къысхасын барма.
Эртде тургъан бла эртде юйленнген сокъуранмаз.
Хатерли къул болур.
Джетген къыз джерли эшекни танымаз.
Къарнынг бла ёч алма.
Ойнаб айтсанг да, эслеб айт.
Нарт сёз – тилни бети.
Aдам боллукъ, сыфатындан белгили.
Атлыны кёрсе, джаяуну буту талыр.
Чомарт къонакъ юй иесин сыйлар.
Тойгъа барсанг, тоюб бар, эски тонунгу къоюб бар.
Кюн кёрмеген, кюн кёрсе, кюндюз чыракъ джандырыр.
Сабийни джумушха джибер да, ызындан бар.
Сёз сёзню айтдырыр.
Кёзден кетген, кёлден да кетеди.
Иши джокъну, сыйы джокъ.
Шекер бла туз – бир болмаз, ушамагъан – юй болмаз.
Эрни эр этерик да, къара джер этерик да, тиширыуду.
Къатын къылыкъсыз, эр тынчлыкъсыз.
Садакъачыны джаны – къапчыгъында.
Ёзденликни джайгъан – джокълукъ.
Къар – келтирди, суу – элтди.
Зар адамны насыбы болмаз.
Къолунгдан къуймакъ ашатсанг да, атаны борчундан къутулмазса.
Ёлген аслан – сау чычхан.
Аман эсирсе, юйюн ояр.
Сангырау къулакъ эл бузар.
Аманны эки битли тону болур, бирин сеннге кийдирир, бирин кеси киер.
Ашарыкъда сайлагъаннга – чий гырджын.
Акъыл неден да кючлюдю.
Керти сёзге тёре джокъ.
Бозанг болмагъан джерге, къалагъынгы сукъма.
Тик ёргени, тик энгишгеси да болады.
Акъылсызны джууукъгъа алма, акъыллыны кенгнге салма.
Айырылмаз джууугъунга, унутмаз сёзню айтма.
Ишни аллы бла къууанма да, арты бла къууан.
Адамны сыфатына къарама, сёзюне къара.
Къартны бурнун сюрт да, оноугъа тут.
Дууулдаса – бал чибин, къонса – къара чибин.
Тюз сёз баргъан сууну тыяр.
Хунаны тюбюн къазсанг, юсюнге ауар.

Логин:
Пароль:
	Запомнить меня на этом компьютере

Забыли свой пароль?
Регистрация