- Байлыкъ адамны сокъур этер.
- Кёкдеги болмаса, джердегин кёрмейди.
- Чакъырылмай келген къонакъ сыйланмай кетер.
- Байны оноуу, джарлыгъа джарамаз.
- Ат да турмайды бир териде.
- Тилчи бир сагъатха айлыкъ хата этер.
- Биреу ашаб къутулур, биреу джалаб тутулур.
- Тил – миллетни джаны.
- Билимден уллу байлыкъ джокъду.
- Ауузу аманнга «иги», деме.
- Адамны сабийин сюйген джюреги, бычакъча, джитиди.
- Арыгъан къош чамчы болур.
- Бети – къучакълар, джюреги – бычакълар.
- Нарт сёз къарт болмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Аджал соруб келмез, келсе, къайтыб кетмез.
- Ышармагъан – кюлмез, кюлмеген – къууанчны билмез.
- Джангыз торгъай джырламаз.
- Ауузу бла къуш тута айланады.
- Къарны аманнга къазан такъдырма, къолу аманнга от джакъдырма.
- Ишленмеклик адамлыкъды.
- Танг атмайма десе да, кюн къоярыкъ тюйюлдю.
- Биреуню къыйынлыгъы бла кесинге джол ишлеме.
- Къонакъ кёб келюучю юйню, къазаны отдан тюшмез.
- Чабакъсыз кёлге къармакъ салгъанлыкъгъа, чабакъ тутмазса.
- Аманны къуугъан, аманлыкъ табар.
- Шайтан алдады, тюзлюк къаргъады.
- Сабий болмагъан джерде, мёлек болмаз.
- Арбаз къынгырды да, ийнек сауалмайма.
- Аз сёлеш, кёб ишле.
- Чомарт бергенин айтмаз.
- Айран ичген – къутулду, джугъусун джалагъан – тутулду.
- Айран тёгюлсе, джугъусу къалыр.
- Арбаз сайлама да, хоншу сайла.
- Ёлген ийнек сютлю болур.
- Биреуню тёрюнден, кесинги эшик артынг игиди.
- Ашлыкъ – бюртюкден, джюн – тюкден.
- Зар адам ашынгы ашар, кесинги сатар.
- Къарнынг къанлынга кийирир.
- Хантына кёре тузу, юйюне кёре къызы.
- Атынг аманнга чыкъгъандан эсе, джанынг тамагъынгдан чыкъсын.
- Кесине гебен этелмеген, биреуге черен эте эди.
- Къонагъы джокъну – шоху джокъ.
- Игилик игилик бла сингдирилиучю затды.
- Джаханимни кёрмей, джандетге кёл салмазса.
- Къыз чыгъаргъан – къызыл къымжа.
- Къая джолда джортма, ачыкъ сёзден къоркъма.
- Чакъырылмагъан къонакъ къачан кетерин сормаз.
- Ётюрюкню башын керти кесер.
- Ёлюк кебинсиз къалмаз.
Профиль
|
|
|
|||