- Кюл тюбюндеги от кёрюнмейди.
- Ашхылыкъ джерде джатмайды, аманлыкъ суугъа батмайды.
- Чомартха хар кюн да байрамды.
- Байлыкъ тауусулур, билим тауусулмаз.
- Сыфатында болмагъаны, суратында болмаз.
- Къарт бла баш аша, джаш бла аякъ аша.
- Таш бла ургъанны, аш бла ур.
- Адамны аманы адамны бети бла ойнар.
- Азыкъ аз болса, эртде орун сал.
- Тиширыусуз юй – отсуз от джагъа.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Адебни адебсизден юрен.
- Юйюнг бла джау болгъандан эсе, элинг бла джау бол.
- Тойгъа барсанг, тоюб бар, эски тонунгу къоюб бар.
- Акъыллы башны – тили къысха.
- Ашатыргъа иш – ашхы, ишлетирге аш – ашхы.
- Къууут – джелге, берне – бошха.
- Сабийни джумушха джибер да, ызындан бар.
- Кийимни бичсенг, кенг бич, тар этген къыйын тюлдю.
- Узун джолну барсанг, бюгюн келирсе, къысха джолну барсанг, тамбла келирсе.
- Харам къарнашдан, халал тенг ашхы.
- Къанны къан бла джуума, аманны аман бла къуума.
- Джолунга кёре – джюрюшюнг, джагъанга кёре – юлюшюнг.
- Тилчиден кери бол.
- Джумушакъ терекни къурт ашар.
- Аман къатын сабий табса, бий болур…
- Сабий болмагъан джерде, мёлек болмаз.
- Джетген къыз джерли эшекни танымаз.
- Джюрек кёзден алгъа кёрюр.
- Тамбла алтындан бюгюн багъыр ашхы.
- Къарыусузгъа кюлме, онгсузгъа тийме.
- Эл ауузу – элек, анга ийнаннган – халек.
- Къызгъанчдан ычхыныр, мухардан ычхынмаз.
- Аман адам этегингден тутса, кес да къач.
- Дуния малгъа сатылма, кесингден телиге къатылма.
- Адеб этмеген, адеб кёрмез.
- Биреуню тёрюнден, кесинги эшик артынг игиди.
- Аман эсирсе, юйюн ояр.
- Кёбню кёрген – кёб билир.
- Иги джашны ышаны – аз сёлешиб, кёб тынгылар.
- Танг атмайма десе да, кюн къоярыкъ тюйюлдю.
- Биреуге аманлыкъны тилеме да, кесинге ашхылыкъны тиле.
- Эшекни не къадар тюйсенг да, ат болмаз.
- Намысы болмагъанны, сыйы болмаз.
- Джылыгъа джылан илешир.
- Суу ичген шауданынга тюкюрме.
- Билген билмегенни юретген адетди.
- Ауурну тюбю бла, дженгилни башы бла джюрюген.
- Ашлыкъ – бюртюкден, джюн – тюкден.
- Махтаннган къыз, тойда джукълар.
Профиль
|
|
|
|||