- Тиширыусуз юй – отсуз от джагъа.
- Намыс болмагъан джерде, насыб болмаз.
- Тик ёргени, тик энгишгеси да болады.
- Эл элде бирер малынг болгъандан эсе, бирер тенгинг болсун.
- Накъырда – кертини келечиси.
- Кёзден кетген, кёлден да кетеди.
- Ач бёрюге мекям джокъ.
- Дуния аламаты сен эсенг да, игиме деб айтма.
- Тилде сюек болмаса да, сюек сындырыр.
- Аман адам элни бир-бирине джау этер.
- Къоркъакъны кёзю экили кёрюр.
- Джан саулукъ бермей, сан саулукъ бермезсе.
- Джашда акъыл джокъ, къартда къарыу джокъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашхы атаны – джашы ашхы, ашхы ананы – къызы ашхы.
- Къолунгдан къуймакъ ашатсанг да, атаны борчундан къутулмазса.
- Къонакъ аман болса, къонакъбай джунчур
- Ургъан суудан башынгы сакъла.
- Этни да ашады, бетни да ашады.
- Акъыллы эркиши атын махтар, акъылсыз эркиши къатынын махтар.
- От кюйдюрген, сау болса да, тот кюйдюрген, сау болмаз.
- Хазыр ашха – терен къашыкъ.
- Битмегеннге сакъал – танг.
- Адам къаллай бир ишленмесе, аллай бир кесин уллу кёреди.
- Керек ташны ауурлугъу джокъ.
- Ашда – бёрю, ишде – ёлю.
- Кесине гебен этелмеген, биреуге черен эте эди.
- Кёб ант этген, кёб ётюрюк айтыр.
- Сёз сёзню айтдырыр.
- Атлыны кёрсе, джаяуну буту талыр.
- Джарлыны эшигин махтагъан джабар.
- Эрине къаргъыш этген къатын, эрнин къабар.
- Эл ауузу – элия.
- Таш бла ургъанны, аш бла ур.
- Аш кетер да бет къалыр.
- Айыбны суу бла джууалмазса.
- Биреуню къыйынлыгъы бла кесинге джол ишлеме.
- Арпа, будай – ащды, алтын, кюмюш а – ташды.
- Элни кючю – эмеген.
- Джолунга кёре – джюрюшюнг, джагъанга кёре – юлюшюнг.
- Ишин билген, аны сыйын чыгъарады.
- Кеси юйюмде мен да ханма.
- Айырылгъанланы айю ашар, бёлюннгенлени бёрю ашар.
- Къобан да къуру да къобханлай турмайды, адам да къуру да патчахлай турмайды.
- Огъурлуну сёзю – суу, огъурсузну сёзю – уу.
- Къая джолда джортма, ачыкъ сёзден къоркъма.
- Чакъырылмай келген къонакъ сыйланмай кетер.
- Акъыл аздырмаз, билим тоздурмаз.
- Айтылгъан сёз ызына къайтмаз.
- Онгсузну – джакъла, тенгликни – сакъла.
Профиль
|
|
|||