- Арбаз къынгырды да, ийнек сауалмайма.
- Джылыгъа джылан илешир.
- Алтыннга тот къонмаз.
- Джолда аягъынга сакъ бол, ушакъда тилинге сакъ бол.
- Къан бла кирген, джан бла чыгъар.
- Айранны сюйген, ийнек тутар.
- Чомартха хар кюн да байрамды.
- Бойнуму джети джерден кессенг да, мен ол ишни этеллик тюлме.
- Кюлме джашха – келир башха.
- Къыйынлы джети элге оноу этер.
- Къайгъыны сюйген, къайгъы табар.
- Баш – акъыл ючюн, акъылман – халкъ ючюн.
- Азыкълы ат арымаз, къатыны аман джарымаз.
- Тилчи тилден къаныкъмаз.
- Къозулугъунда тоймагъан, къойлугъунда тоймаз.
- Кёлсюзден сёзсюз тууар.
- Аджалсыз ёлюм болмаз.
- Абынмазлыкъ аякъ джокъ, джангылмазлыкъ джаякъ джокъ.
- Киштикге къанат битсе, чыпчыкъ къалмаз эди.
- Эр сокъур болсун, къатын тилсиз болсун.
- Адамны сыфатына къарама, сёзюне къара.
- Нарт сёз къарт болмаз.
- Къонагъы джокъну – шоху джокъ.
- Ашлыкъны арба юйге келтирир, чана базаргъа элтир.
- Байма, деб да, къууанма, джарлыма, деб да, джылама.
- Джюрекге ариу – кёзге да ариу.
- Айран ичген – къутулду, джугъусун джалагъан – тутулду.
- Уясында не кёрсе, учханында аны этер.
- Терслик кетер, тюзлюк джетер.
- Минг тенг да азды, бир джау да кёбдю.
- Накъырда – кертини келечиси.
- Ачылгъан эт джабылыр, кёрген кёз унутмаз.
- Кёб ант этген, кёб ётюрюк айтыр.
- Ачыкъ джюрекге джол – ачыкъ.
- Бозаны арты дауур болур.
- Къазанчы аман болса, къазаны къайнамаз.
- Телини эшигин, махтау джабар.
- Ат басханны джер билед.
- Ач къалгъандан, кеч къалгъан къолай.
- Биреуге аманлыкъны тилеме да, кесинге ашхылыкъны тиле.
- Аман адам элни бир-бирине джау этер.
- Аманнга игилик этсенг, юйюнге сау бармазса.
- Ауузу аманнга «иги», деме.
- Эринчекге кюн узун.
- Окъумагъан сокъурду, сокъур ташха абыныр!
- Тойгъа барсанг, тоюб бар, эски тонунгу къоюб бар.
- Уллу къазанда бишген эт, чий къалмаз.
- Аджал соруб келмез, келсе, къайтыб кетмез.
- Эли джокъну – кёлю джокъ.
- Босагъа таш юйге кирмей эди, тыбыр таш эшикге чыкъмай эди.
Профиль
|
|
|
|||