- Эртде тургъан джылкъычыны эркек аты тай табар.
- Аманнга алтын чыдамаз.
- Ушамагъан – джукъмаз.
- Биреу къой излей, биреу той излей.
- Къозулугъунда тоймагъан, къойлугъунда тоймаз.
- Джылыгъа джылан илешир.
- Джумушакъ сёз къаты таякъны сындырыр.
- Ёлюр джаннга, ёкюл джокъ.
- Огъурлуну сёзю – суу, огъурсузну сёзю – уу.
- Босагъагъа джууукъ орун болса, ашыгъыб тёрге озма.
- Къарт айтханны этмеген, къартаймаз.
- Чакъырылгъанны аты, чакъырылмагъанны багъасы болур.
- Къазанны башы ачыкъ болса, итге уят керекди.
- Билеги кючлю, бирни джыгъар, билими кючлю, мингни джыгъар.
- Кёрмегеннге кебек – танг, битмегеннге сакъал – танг.
- Эки элинги тыйсанг, джети элде махталырса.
- Эр сокъур болсун, къатын тилсиз болсун.
- Кёпюр салгъан кеси ётер, уру къазгъан кеси кетер.
- Тойгъанлыкъ къойгъа джарашады.
- Ачны эсинде – аш.
- Ишленмеген джаш – джюгенсиз ат, ишленмеген къыз – тузсуз хант.
- Ашаса, ашамаса да, бёрюню ауузу – къан.
- Ишленмеклик адамлыкъды.
- Элде адам къалмаса, ит тахтагъа минер.
- Алма терегинден кери кетмез.
- Аш берме да, къаш бер.
- Окъугъанны бети джарыкъ.
- Чабар ат – джетген къыз.
- Иги болса, тамадама – махтау, аман болса, меннге – айыб.
- Ишлемеген – тишлемез.
- Иги адамны бир сёзю эки болмаз.
- Къыйынлы джети элни къайгъысын этер.
- Хар ишни да аллы къыйынды.
- Ашда – бёрю, ишде – ёлю.
- Айранны сюйген, ийнек тутар.
- Къулакъдан эсе, кёзге ышан.
- Алим болгъандан эсе, адам болгъан къыйынды.
- Билмегенинги, билгеннге сор.
- Хоншуну тауугъу къаз кёрюнюр, келини къыз кёрюнюр.
- Дуния мал дунияда къалады.
- Хазыр ашха – терен къашыкъ.
- Башынга джетмегенни сорма.
- Адамны аманы адамны бети бла ойнар.
- Ишлерге уял да, ашаргъа табма.
- Ач бёрюге мекям джокъ.
- Ёгюзню мюйюзлери ауурлукъ этмейдиле.
- Кийимни бир кюнню аясанг, минг кюннге джарар.
- Джерни букъусу кёкге къонмаз.
- Чалманны аллы къалай башланса, арты да алай барады.
- Азыкъ аз болса, эртде орун сал.
Профиль
|
|
|||