- Малны кют, джерни тюрт.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ашын ашагъанынгы, башын да сыйла.
- Къарнынг тойгъунчу аша да, белинг талгъынчы ишле.
- Алгъанда – джууукъ, бергенде – джау.
- Тау башында, тау болмаз, джангыз терек, бау болмаз.
- Ёзденликни кёбю ётюрюк.
- Айранны сюйген, ийнек тутар.
- Аманны эки битли тону болур, бирин сеннге кийдирир, бирин кеси киер.
- Элде адам къалмаса, ит тахтагъа минер.
- Къонакъ хазыр болгъанлыкъгъа, къонакъбай хазыр тюлдю.
- Эл ауузу – элия.
- Зарда марда джокъ.
- Къарнынг къанлынга кийирир.
- Зар адамны насыбы болмаз.
- Кечеси – аяз, кюню – къыш, джарлы къаргъагъа бир аш тюш!
- Ариу сёз – къылычдан джити.
- Бетинги сатма, малынгы сат.
- Сибиртки да сыйлы болду, кюрек да кюнлю болду.
- Чёбню кёлтюрсенг, тюбюнден сёз чыгъар.
- Акъыллы – эл иеси, тели – эл баласы.
- Таш бла ургъанны, аш бла ур.
- Адебсиз адам – джюгенсиз ат.
- Иги – алгъыш этер, аман – къаргъыш этер.
- Чомарт бергенин айтмаз.
- Этим кетсе да, сюегим къалыр.
- Сакъалы текени да бар, мыйыгъы киштикни да бар.
- Аууздан келген, къолдан келсе, ким да патчах болур эди.
- Чарсда алчыны эл кёреди.
- Кюлме джашха – келир башха.
- Ушамагъан – джукъмаз.
- Дуния аламаты сен эсенг да, игиме деб айтма.
- Бек анасы джыламаз.
- Шекер бла туз – бир болмаз, ушамагъан – юй болмаз.
- Кютгени беш эчки, сызгъыргъаны уа, джерни джарады.
- Эки ойлашыб, бир сёлешген.
- Окъугъан – асыу, окъумагъан – джарсыу.
- Къууут – джелге, берне – бошха.
- Кёл ашады да, кеси ашады.
- Эте билген, этген этеди, эте билмеген, юретген этеди!
- Джашынгы кесинг юретмесенг, джашау юретир.
- Аз айтсам, кёб ангылагъыз.
- Ашхы атаны – джашы ашхы, ашхы ананы – къызы ашхы.
- Бал ашаргъа сюе эсенг, чибин ургъаннга тёз.
- Ётюрюкден тюбю джокъ, кёлтюрюрге джиби джокъ.
- Байны къызы баймакъ болса да, юйде къалмаз!
- Тёрдеги кюлсе, эшикдеги ышарыр.
- Туз, гырджын аша, тюзлюк бла джаша.
- Ишленмеклик адамлыкъды.
- Тешигини къатында, чычхан да батыр болур.
Профиль
|
|
|
|||