- Шайтан алдады, тюзлюк къаргъады.
- Аджашханны ызындагъы кёреди, джангылгъанны джанындагъы биледи.
- Узун джолну барсанг, бюгюн келирсе, къысха джолну барсанг, тамбла келирсе.
- Урама да – ёледи, сатама да – келеди.
- Башы ишлегенни, ауузу да ишлер.
- Къартны сыйын кёрмеген, къартлыгъында сыйлы болмаз.
- Урунуу – насыбны анасы.
- Ашхы тенг джолгъа салыр, аман тенг джолдан тайдырыр.
- Аман адам этегингден тутса, кес да къач.
- Бюгюн дуния кибик, тамбла ахыратды.
- Ашаса, ашамаса да, бёрюню ауузу – къан.
- Айран тёгюлсе, джугъусу къалыр.
- Ишленмеген джаш – джюгенсиз ат, ишленмеген къыз – тузсуз хант.
- Ойнаб айтсанг да, эслеб айт.
- Ач келгенни – тойдур, кеч келгенни – къондур.
- Чыкълы кюнде чыкъмагъан, чыкъса къуру кирмеген.
- Ёмюрлюк шохлукъну джел элтмез.
- Тюзлюк тас болмайды.
- Къаллай салам берсенг, аллай джууаб алырса.
- Сабий болмагъан джерде, мёлек болмаз.
- Къайгъыны сюйген, къайгъы табар.
- Сагъышы джокъ – джукъучу, акъылы джокъ – къаугъачы.
- Кесине гебен этелмеген, биреуге черен эте эди.
- Юреннген ауруу къалмаз.
- Джумушакъ терекни къурт ашар.
- Бозанг болмагъан джерге, къалагъынгы сукъма.
- Чомартха хар кюн да байрамды.
- Эрни эр этерик да, къара джер этерик да, тиширыуду.
- Миллетни бойну – базыкъ, аны бла кюрешген – джазыкъ.
- Тойгъан джерге джети къайт.
- Айырылгъанланы айю ашар, бёлюннгенлени бёрю ашар.
- Ётюрюкню башын керти кесер.
- Джаным-тиним – окъуу, билим.
- Айтылгъан буйрукъ, сёгюлмез
- Тёзгеннге, джабылгъан эшик ачылыр.
- Адам сёзюнден белгили.
- Тешик этген тынчды, аны джамагъан къыйынды.
- Билими азны – ауузунда кирит.
- Окъдан джара эртде-кеч болса да бителир, сёз джара, ёмюрге къалыр.
- Чабар ат – джетген къыз.
- Тюз сёз баргъан сууну тыяр.
- Чабакъ башындан чирийди.
- Къарнынг ауруса, ауузунгу тый
- Айтхан – тынч, этген – къыйын.
- Адамны бетине къарама, адетине къара.
- Джогъун бар этген, барын бал этген.
- Эл бла кёргенинг эрелей.
- Ашын ашагъанынгы, башын да сыйла.
- Хар сёзню орну барды.
- Тик ёргени, тик энгишгеси да болады.
Профиль
|
||||