- «Ма», - дегенни билмесенг, «бер», - дегенни билмезсе.
- Билим къая тешер.
- Къыз чыгъаргъан – къызыл къымжа.
- Уллу атлама – абынырса, уллу къабма – къарылырса.
- Ачлыкъ отха секиртир.
- Тау башында, тау болмаз, джангыз терек, бау болмаз.
- Асхат ашлыкъ сата, юйдегиси ачдан къата.
- Аллахдан тилесенг, кёб тиле.
- Харам къарнашдан, халал тенг ашхы.
- Окъугъанны бети джарыкъ.
- Ата – билек, ана – джюрек!
- Юйюнг бла джау болгъандан эсе, элинг бла джау бол.
- Ариу сёзде ауруу джокъ.
- Акъыл бла адеб эгизледиле.
- Къонакъны къачан кетерин сорма, къачан келлигин сор.
- Таш ата билмеген, башына урур.
- Тёрдеги кюлсе, эшикдеги ышарыр.
- Тюзлюк шохлукъну бегитир.
- Босагъагъа джууукъ орун болса, ашыгъыб тёрге озма.
- Ач, тоймам, дейди, тойгъан, ач болмам, дейди.
- Ёксюзню къалачы уллу кёрюнюр.
- Ауругъаннга – кийик саулукъ, джетген къызгъа – чилле джаулукъ.
- Къууут – джелге, берне – бошха.
- Аман эсирсе, юйюн ояр.
- Аманны къуугъан, аманлыкъ табар.
- Адебни адебсизден юрен.
- Атлыны ашхысы, ат тизгининден билинир
- Таякъ этден ётер, тил сюекден ётер.
- Тилчи тилден къаныкъмаз.
- Халкъгъа джарагъан, джарлы къалмаз.
- Сагъышы джокъ – джукъучу, акъылы джокъ – къаугъачы.
- Илму – джашауну джолу.
- Элиб деген, элге болушур.
- Джаш къарыу бла кючлю, къарт акъыл бла кючлю.
- Рысхы – насыбха къор.
- Юй кюйдю да, кюйюз чыкъды, ортасындан тюйюш чыкъды.
- Чакъырылмай келген къонакъ сыйланмай кетер.
- Болджал ишни бёрю ашар.
- Тил бла келеди джыр да.
- Иги адамны бир сёзю эки болмаз.
- Тойгъа барсанг, тоюб бар, эски тонунгу къоюб бар.
- Бермеген къол, алмайды.
- Душманны тышы – акъ, ичи – къара.
- Аджашханны ызындагъы кёреди, джангылгъанны джанындагъы биледи.
- Ат басханны джер билед.
- Джаз бир кюнню джатсанг, къыш талай кюнню абынырса.
- Алим болгъандан эсе, адам болгъан къыйынды.
- Эринчекни аурууу – кёб.
- Мухардан ач ычхынмаз.
- Бети бедерден, намыс сакълама.
Профиль
|
|
|
|||