- Байлыкъ болгъан джерде, тынчлыкъ джокъду.
- Баланы адам этген анады.
- Атадан ёксюз – бир ёксюз, анадан ёксюз – эки ёксюз.
- Ариу сёз аурууунгу алыр.
- Аман адам этегингден тутса, кес да къач.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къарт бла баш аша, джаш бла аякъ аша.
- Абынмазлыкъ аякъ джокъ, джангылмазлыкъ джаякъ джокъ.
- Башы джабылгъан челекге, кир тюшмез.
- Башсыз урчукъ тюзюне айланмаз.
- Ётюрюкню башын керти кесер.
- Адам туугъан джеринде, ит тойгъан джеринде.
- Башы ишлегенни, ауузу да ишлер.
- Эртде тургъан джылкъычыны эркек аты тай табар.
- Туз, гырджын аша, тюзлюк бла джаша.
- Ёлген аслан – сау чычхан.
- Кёб джат да, бек чаб.
- Тойчу джашха къарама, къойчу джашха къара.
- Таукел адам тау тешер.
- Аман къатын алгъан, арыр, иги къатын алгъан джарыр.
- Сабийни джумушха джибер да, ызындан бар.
- Сёлеш деб шай берген, тохта деб, сом берген.
- Кийимни бичсенг, кенг бич, тар этген къыйын тюлдю.
- Ачны эсинде – аш.
- Керилген да, ургъан кибикди.
- Тулпарлыкъ, билекден тюл – джюрекден.
- Къозулугъунда тоймагъан, къойлугъунда тоймаз.
- Ойнай-ойнай кёз чыгъар.
- Эрине къаргъыш этген къатын, эрнин къабар.
- Айырылгъанланы айю ашар, бёлюннгенлени бёрю ашар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Накъырданы арты керти болур.
- Кёзю сокъурдан – къоркъма, кёлю сокъурдан – къоркъ.
- Байны оноуу, джарлыгъа джарамаз.
- Къызын тута билмеген, тул этер, джашын тута билмеген, къул этер.
- Айранын берсенг, челегин да къызгъанма.
- Джаралыны джастыгъында сау ёлюр.
- Къазанчы аман болса, къазаны къайнамаз.
- Тешик этген тынчды, аны джамагъан къыйынды.
- Тик ёргени, тик энгишгеси да болады.
- Гыдай эчки суугъа къараб, мюйюзле кёрмесе, джашма алкъын, дегенди.
- Башынга джетмегенни сорма.
- Кёкдеги болмаса, джердегин кёрмейди.
- Аман къатын сабий табса, бий болур…
- Ашарыкъда сайлагъаннга – чий гырджын.
- Эркишини аманы тиширыуну джылатыр.
- Ёмюрлюк шохлукъну джел элтмез.
- Билген билмегенни юретген адетди.
- Къатын къылыкъсыз, эр тынчлыкъсыз.
- Ханы къызы буюгъа-буюгъа киштик болду.
Профиль
|
Snowdrop
 Эльбрусоид
Cообщений: 54
Баллов: 43
Регистрация: 28.12.2011
Последний визит: 25.05.2020 14:58:31
|
|
||||||||||
|
|
|
||||||||||