Эльбрусоид :: Форум :: Архив форумов

Тиширыусуз юй – отсуз от джагъа.
Ётюрюкню башын керти кесер.
Болджал ишни бёрю ашар.
Къумурсхала джыйылсала, пилни да джыгъадыла.
Нарт сёз къарт болмаз.
Накъырданы арты керти болур.
Адамгъа аман кюн соруб келмейди.
Окъугъан – асыу, окъумагъан – джарсыу.
Тойгъа алгъа да барма, тойда артха да къалма.
Ач къалгъандан, кеч къалгъан къолай.
Ашлыкъны арба юйге келтирир, чана базаргъа элтир.
Халкъны джырын джырласанг, халкъ санга эжиу этер.
Аш берме да, къаш бер.
Къыз тиширыу кеси юйюнде да къонакъды.
Ата джурт – алтын бешик.
Айтылгъан буйрукъ, сёгюлмез
Тил бла келеди джыр да.
Ашхы тенг джолгъа салыр, аман тенг джолдан тайдырыр.
Ишлерге уял да, ашаргъа табма.
Адебни адебсизден юрен.
Джыгъылгъанны сырты джерден тоймаз.
Къонакъ болсанг, ийнакъ бол.
Эм ашхы къайын ана мамукъ бла башынгы тешер.
Мал ёлсе, сюек къалыр, адам ёлсе, иши къалыр.
Малны кют, джерни тюрт.
Джетген къыз джерли эшекни танымаз.
Къарнынг къанлынга кийирир.
Ханнга да келеди хариблик.
Къайгъы тюбю – тенгиз.
Ач – эснер, ат – кишнер.
Тойну къарнашы – харс, джырны къарнашы – эжиу.
Тенгни тенглиги джашай барсанг билинир.
Къызгъанчдан ычхыныр, мухардан ычхынмаз.
Сютден ауузу кюйген, суугъа юфгюре эди.
Айырылмаз джууугъунга, унутмаз сёзню айтма.
Бети – къучакълар, джюреги – бычакълар.
Кёзню ачылгъаны – иги, ауузну джабылгъаны – иги.
Накъырда – кертини келечиси.
Джашынгы кесинг юретмесенг, джашау юретир.
Джюз элде джюз ёгюзюм болгъандан эсе, джюз джууугъум болсун.
Ушамагъан – джукъмаз.
Билимден уллу байлыкъ джокъду.
Билим ат болуб да чабар, къуш болуб да учар.
Къыз чыгъаргъан – къызыл къымжа.
Нарт сёз – тилни бети.
Иги адам абынса да, джангылмаз.
Босагъагъа джууукъ орун болса, ашыгъыб тёрге озма.
Тойгъа барсанг, тоюб бар, эски тонунгу къоюб бар.
Къаллай салам берсенг, аллай джууаб алырса.
Аджаллыгъа окъсуз шкок атылыр.

Логин:
Пароль:
	Запомнить меня на этом компьютере

Забыли свой пароль?
Регистрация