Эльбрусоид :: Форум

Юйюнг бла джау болгъандан эсе, элинг бла джау бол.
Ётюрюкню къуйругъу – бир тутум.
Ашына кёре табагъы, балына кёре къалагъы.
Уллу сёлешме да, уллу къаб.
Кёзю сокъурдан – къоркъма, кёлю сокъурдан – къоркъ.
Тил – кесген бычакъ, сёз – атылгъан окъ.
Хар адамгъа кеси миннген тау кибик.
Ат басханны джер билед.
Насыб бютеу халкъны юлюшюдю.
Арбаз сайлама да, хоншу сайла.
Харам къарнашдан, халал тенг ашхы.
Джашда акъыл джокъ, къартда къарыу джокъ.
Акъыл неден да кючлюдю.
Урунуу – насыбны анасы.
Битмегеннге сакъал – танг.
Элни кючю – эмеген.
Айныгъанлы алты кюн, тогъайгъанлы тогъуз кюн.
Эски джаугъа ышанма.
Таукелге нюр джауар.
Ашхы тенг джолгъа салыр, аман тенг джолдан тайдырыр.
Ауругъаннга – кийик саулукъ, джетген къызгъа – чилле джаулукъ.
Ойнай билмеген, оюн бузар.
Айтхан сёзюне табылгъан.
Къыйынлы джети элни къайгъысын этер.
Джырчы ёлсе, джыры къалыр.
Ишленмеклик адамлыкъды.
Ариу сёз джыланны орнундан чыгъарыр.
Кийиминг бла танылма, адамлыкъ бла таныл.
Шапа кёб болса, аш татымсыз болур.
Тели турса – той бузар.
Алим болгъандан эсе, адам болгъан къыйынды.
Бозаны арты дауур болур.
Бермеген къол, алмайды.
Акъылсызны джууукъгъа алма, акъыллыны кенгнге салма.
Джан саулукъ бермей, сан саулукъ бермезсе.
Тыш элде солтан болгъандан эсе, кесинги элде олтан болгъан игиди!
Татлы тилде – сёз ариу, чемер къолда – иш ариу.
Аман хансны – урлугъу кёб.
Таш ата билмеген, башына урур.
Тамбла алтындан бюгюн багъыр ашхы.
Ачлыкъ отха секиртир.
Босагъагъа джууукъ орун болса, ашыгъыб тёрге озма.
Этни да ашады, бетни да ашады.
Ашхы – джыяр, аман – джояр.
Сютню башын джалагъан къутулур, тюбюн ичген тутулур.
Окъугъан – асыу, окъумагъан – джарсыу.
Эки итни арасына сюек атма, эки адамны арасында сёз чыгъарма.
Байлыкъ адамны сокъур этер.
Ауругъанны сау билмез, ач къарынны токъ билмез.
Адам бла мюлк юлешмеген эсенг, ол адамны билиб бошагъанма, деб кесинги алдама.

Логин:
Пароль:
	Запомнить меня на этом компьютере

Забыли свой пароль?
Регистрация