- Ач, тоймам, дейди, тойгъан, ач болмам, дейди.
- Тешигини къатында, чычхан да батыр болур.
- Башы джабылгъан челекге, кир тюшмез.
- Намыс сатылыб алынмайды.
- Чакъырылгъанны аты, чакъырылмагъанны багъасы болур.
- Билими азны – ауузунда кирит.
- Эркишини аманы тиширыуну джылатыр.
- Ёзденликни кёбю ётюрюк.
- Бойнуму джети джерден кессенг да, мен ол ишни этеллик тюлме.
- Кютгени беш эчки, сызгъыргъаны уа, джерни джарады.
- Тилде сюек болмаса да, сюек сындырыр.
- Атадан ёксюз – бир ёксюз, анадан ёксюз – эки ёксюз.
- Тил – миллетни джаны.
- Аман эсирсе, юйюн ояр.
- Ётюрюкчюню шагъаты – къатында.
- Сютню башын джалагъан къутулур, тюбюн ичген тутулур.
- Къаллай салам берсенг, аллай джууаб алырса.
- Ашатыргъа иш – ашхы, ишлетирге аш – ашхы.
- Кёзден кетген, кёлден да кетеди.
- Ач – эснер, ат – кишнер.
- Тынгылагъан тынгы бузар.
- Таукел къуру къалмаз.
- Аз сёлеш, кёб ишле.
- Къартны сыйын кёрмеген, къартлыгъында сыйлы болмаз.
- Илму – джашауну джолу.
- Джаш къарыу бла кючлю, къарт акъыл бла кючлю.
- Бал ашаргъа сюе эсенг, чибин ургъаннга тёз.
- Кёл ашады да, кеси ашады.
- Окъуусуз билим – джокъ, билимсиз кюнюнг – джокъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Нарт сёз – тилни бети.
- Джолунга кёре – джюрюшюнг, джагъанга кёре – юлюшюнг.
- Экеулен сёлеше тура эселе, орталарына барыб кирме.
- Джашда акъыл джокъ, къартда къарыу джокъ.
- Арыгъан къош чамчы болур.
- Булут кёкге джарашыу, уят бетге джарашыу.
- Ашыкъгъанны этеги бутуна чырмалыр.
- Ач да бол, токъ да бол – намысынга бек бол.
- Гырджын – тепсини тамадасы.
- Джарлыны эшигин махтагъан джабар.
- Джыгъылгъанны сырты джерден тоймаз.
- Дуния мал дунияда къалады.
- Аман хансны – урлугъу кёб.
- Ишлемеген – тишлемез.
- Къая джолда джортма, ачыкъ сёзден къоркъма.
- Хар адамгъа кеси миннген тау кибик.
- Чомарт къонакъ юй иесин сыйлар.
- Чакъырылмагъан джерге барма, чакъырылгъан джерден къалма.
- Атынг аманнга чыкъгъандан эсе, джанынг тамагъынгдан чыкъсын.
- Къарнынг къанлынга кийирир.
Профиль
|
|
|||