- Эринчекни аурууу – кёб.
- Чабакъсыз кёлге къармакъ салгъанлыкъгъа, чабакъ тутмазса.
- Аджашханны ызындагъы кёреди, джангылгъанны джанындагъы биледи.
- Чарсда алчыны эл кёреди.
- Ашарыкъда сайлагъаннга – чий гырджын.
- Акъыл бла адеб эгизледиле.
- Тура эдим джата, къайдан чыкъды хата?
- Кюл тюбюндеги от кёрюнмейди.
- Тёрени джагъы джокъ.
- Ёпкелегенни ашы татлы болады.
- Накъырда – кертини келечиси.
- Дуния мал дунияда къалады.
- Аш берме да, къаш бер.
- Хантына кёре тузу, юйюне кёре къызы.
- Тыш элде солтан болгъандан эсе, кесинги элде олтан болгъан игиди!
- Ашаса, ашамаса да, бёрюню ауузу – къан.
- Ойнай-ойнай кёз чыгъар.
- Джеринден айырылгъан – джети джылар, джуртундан айырылгъан – ёлгюнчю джылар.
- Рысхы джалгъанды: келген да этер, кетген да этер.
- Ариу сёз – къылычдан джити.
- Ханнга да келеди хариблик.
- Чакъырылмай келген къонакъ сыйланмай кетер.
- Эртде тургъан бла эртде юйленнген сокъуранмаз.
- Чомарт джарлы болмаз.
- Билген билмегенни юретген адетди.
- Ач – эснер, ат – кишнер.
- Ач къарным, тынч къулагъым.
- Айырылгъанланы айю ашар, бёлюннгенлени бёрю ашар.
- Джашны джигитлиги сорулур, къызны джигерлиги сорулур.
- Башы ишлегенни, ауузу да ишлер.
- Берекет берсин деген джерде, берекет болур.
- Кёзден кетген, кёлден да кетеди.
- Таула не мийик болсала да, аууш табылыр.
- Джюрекге ариу – кёзге да ариу.
- Суу да къайтады чыкъгъан джерине.
- Азыкъ аз болса, эртде орун сал.
- Зар адамны насыбы болмаз.
- Ойнай билмеген, уруб къачар.
- Тил – миллетни джаны.
- Босагъагъа джууукъ орун болса, ашыгъыб тёрге озма.
- Кёл – къызбай, къол – батыр.
- Къонагъы джокъну – шоху джокъ.
- Джиби бир къат джетмей эди да, эки къат тарта эди.
- Билмейме деген – бир сёз
- Кёлю джокъну – джолу джокъ.
- Башсыз урчукъ тюзюне айланмаз.
- Ким бла джюрюсенг, аны кёзю бла кёрюнюрсе.
- Зарда марда джокъ.
- Ашатыргъа иш – ашхы, ишлетирге аш – ашхы.
- Асхат ашлыкъ сата, юйдегиси ачдан къата.
Профиль
|
|
|||