- Бал – татлы, балдан да бала – татлы.
- Эски джаугъа ышанма.
- Билмезни кёзю кёрмез, этмезни къулагъы эшитмез.
- Аш кетер да бет къалыр.
- Ишлерге уял да, ашаргъа табма.
- Акъыллы башны – тили къысха.
- Тилсиз миллет джокъ болур.
- Къонагъынгы артмагъын алма да, алгъышын ал.
- Олтуруб кёрюнмей эди да, ёрге туруб кёрюне эди.
- Джарлы тюеге минсе да, ит къабар.
- Кенгеш болса, уруш болмаз.
- Киштикге къанат битсе, чыпчыкъ къалмаз эди.
- Иги адамны бир сёзю эки болмаз.
- Адеб этмеген, адеб кёрмез.
- Уллу суу бла уллу ауруудан башынгы сакъла.
- Джыйырма къойну юч джыйырма эбзе кюте эди.
- Ата Джуртуму башы болмасам да, босагъасында ташы болайым.
- Айырылгъанланы айю ашар, бёлюннгенлени бёрю ашар.
- Намысы болмагъанны, сыйы болмаз.
- Эртде тургъан джылкъычыны эркек аты тай табар.
- Мураты болгъанны джюрек тебюую башхады.
- Къуру гыбыт бек дыгъырдар.
- От этилмеген джерден тютюн чыкъмайды.
- Ётген ёмюр – акъгъан суу.
- Къонагъы джокъну – шоху джокъ.
- Къыз тиширыу кеси юйюнде да къонакъды.
- Биреуню тёрюнден, кесинги эшик артынг игиди.
- Харам къарнашдан, халал тенг ашхы.
- Кюн – узун, ёмюр – къысха.
- Узун джолну барсанг, бюгюн келирсе, къысха джолну барсанг, тамбла келирсе.
- Окъ къызбайны джокълайды.
- Башы джабылгъан челекге, кир тюшмез.
- Юйюнг бла джау болгъандан эсе, элинг бла джау бол.
- Аман хансны – урлугъу кёб.
- Насыб бютеу халкъны юлюшюдю.
- Кёпюр салгъан кеси ётер, уру къазгъан кеси кетер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ашарыкъда сайлагъаннга – чий гырджын.
- Мухарны эси – ашарыкъда.
- Кёкдеги болмаса, джердегин кёрмейди.
- Алтыда кюлмеген, алтмышда кюлмез.
- Аманнга игилик этсенг, юйюнге сау бармазса.
- Аш иеси бла татлыды.
- Керилген да, ургъан кибикди.
- Билимсиз иш бармаз.
- Къалгъан ишге къар джауар.
- Ургъан суудан башынгы сакъла.
- Бир онгсуз адам адет чыгъарды, деб эштирик тюлсе.
- Джетген къыз джерли эшекни танымаз.
- Термилгенинги табмазса, кюлгенинге тюберсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72