- Къонакъ хазыр болгъанлыкъгъа, къонакъбай хазыр тюлдю.
- Бети – къучакълар, джюреги – бычакълар.
- Бал – татлы, балдан да бала – татлы.
- Дуния аламаты сен эсенг да, игиме деб айтма.
- Булут кёкге джарашыу, уят бетге джарашыу.
- Адамны адамлыгъы къыйынлыкъда айгъакъланады.
- Ётюрюкню къуйругъу – бир тутум.
- Джылар джаш, атасыны сакъалы бла ойнар.
- Элде адам къалмаса, ит тахтагъа минер.
- Акъыл неден да кючлюдю.
- Чабар ат – джетген къыз.
- Джиби бир къат джетмей эди да, эки къат тарта эди.
- Терек ауса, отунчу – кёб.
- Тойгъа алгъа да барма, тойда артха да къалма.
- Кийимни бичсенг, кенг бич, тар этген къыйын тюлдю.
- Къайгъыны сюйген, къайгъы табар.
- Бет бетге къараса, бет да джерге къарар.
- Намыс болмагъан джерде, насыб болмаз.
- Арба аугъандан сора, джол кёргюзтюучю кёб болур.
- Кийим тукъум сордурур.
- Ургъан суудан башынгы сакъла.
- Эринчекге кюн узун.
- Къуллукъчума, деб махтанма, къуллукъ – хаух джамчыды!
- Башланнган иш битер, къымылдагъан тиш тюшер.
- Кёзню ачылгъаны – иги, ауузну джабылгъаны – иги.
- Ётген ёмюр – акъгъан суу.
- Бёрю да ач къалмасын, эчки да ашалмасын.
- Ата – билек, ана – джюрек!
- Аллахха ийнаннган кишини, Аллах онгдурур ишин.
- Игиге айтсанг – билир, аманнга айтсанг – кюлюр.
- Чакъырылгъанны аты, чакъырылмагъанны багъасы болур.
- Кёб къычыргъандан – къоркъма, тынч олтургъандан – къоркъ.
- Кирсизни – саны таза, халалны – къаны таза.
- Ёгюзню мюйюзюнден тутадыла, адамны сёзюнден тутадыла.
- Мал тутхан – май джалар.
- Уллу сёзде уят джокъ.
- Тёзгеннге, джабылгъан эшик ачылыр.
- Эркишиге тары кебек танг кёрюнюр.
- Къая джолда джортма, ачыкъ сёзден къоркъма.
- Дуния малгъа сатылма, кесингден телиге къатылма.
- Кёб ант этген, кёб ётюрюк айтыр.
- Тау башында, тау болмаз, джангыз терек, бау болмаз.
- Бюгюн дуния кибик, тамбла ахыратды.
- Ата Джуртун танымагъан, атасын да танымаз.
- Ана къолу ачытмаз.
- Джолда аягъынга сакъ бол, ушакъда тилинге сакъ бол.
- Джумушакъ сёз къаты таякъны сындырыр.
- Ашхы адам – халкъ байлыгъы, ашхы джер – джашау байлыгъы.
- Ауурну тюбю бла, дженгилни башы бла джюрюген.
- Илму – джашауну джолу.
Профиль
|
|
|||