- Харам къарнашдан, халал тенг ашхы.
- Биреуню тёрюнден, кесинги эшик артынг игиди.
- Джаш болсун, къыз болсун, акъылы, саны тюз болсун.
- Чакъырылмагъан къонакъ – орунсуз.
- Ашлыкъны арба юйге келтирир, чана базаргъа элтир.
- Аз сёлешген, къайгъысыз турур.
- Адам сёзге тынгыла, акъыл сёзню ангыла.
- Тенги кёбню джау алмаз, акъылы кёбню дау алмаз.
- Къаллай салам берсенг, аллай джууаб алырса.
- Кюн кёрмеген, кюн кёрсе, кюндюз чыракъ джандырыр.
- Хар сёзню орну барды.
- Тёрдеги кюлсе, эшикдеги ышарыр.
- Ана къойну – балагъа джандет.
- Бал – татлы, балдан да бала – татлы.
- Джуртун къоругъан озар.
- Тойгъандан сора, ашны сёкме.
- Кенгеш болса, уруш болмаз.
- Тик ёргени, тик энгишгеси да болады.
- Оюмсуз атлагъан, аджалсыз ёлюр.
- Сангырау къулакъ эл бузар.
- Иги сеники эсе да, сюйген кесимикин этеме.
- Чабакъ башындан чирийди.
- Сагъышы джокъ – джукъучу, акъылы джокъ – къаугъачы.
- Эркишиге тары кебек танг кёрюнюр.
- Къулакъдан эсе, кёзге ышан.
- Къатын байлыкъны сюер, эр саулукъну сюер.
- Ёлюр джаннга, ёкюл джокъ.
- Тюзню ётмеги тюзде къалса да, тас болмаз.
- Абынмазлыкъ аякъ джокъ, джангылмазлыкъ джаякъ джокъ.
- Тели турса – той бузар.
- Джангызны оту джарыкъ джанмаз!
- Чакъырылмагъан къонакъ тёрге атламаз.
- Джырчы джырчыгъа – къарнаш.
- Агъач – джерни чырайы, кийим – эрни чырайы.
- Билмегенинги, билгеннге сор.
- Мураты болгъанны джюрек тебюую башхады.
- Кирсизни – саны таза, халалны – къаны таза.
- Уллу къазанда бишген эт, чий къалмаз.
- Къазанчы аман болса, къазаны къайнамаз.
- Тиширыусуз юй – отсуз от джагъа.
- Къонакъ аз олтурур, кёб сынар.
- Кюл тюбюндеги от кёрюнмейди.
- Кечеси – аяз, кюню – къыш, джарлы къаргъагъа бир аш тюш!
- Ариу сёз – джаннга азыкъ, аман сёз – башха къазыкъ.
- Иги болса, тамадама – махтау, аман болса, меннге – айыб.
- Аманнга да, игиге да оноусуз къатышма.
- Акъыллы башны – тили къысха.
- Къарт бла баш аша, джаш бла аякъ аша.
- Къатын къылыкъсыз, эр тынчлыкъсыз.
- Насыб бютеу халкъны юлюшюдю.
Профиль
|
|
|
|||