- Таш ата билмеген, башына урур.
- Бет бетге къараса, бет да джерге къарар.
- Экиндини кеч къылсанг, чабыб джетер ашхам.
- Ойнаб айтсанг да, эслеб айт.
- Къартны сыйын кёрмеген, къартлыгъында сыйлы болмаз.
- Асхат ашлыкъ сата, юйдегиси ачдан къата.
- Ачны эсинде – аш.
- Халкъгъа джарагъан, джарлы къалмаз.
- Билимден уллу байлыкъ джокъду.
- Къазанда болса, чолпугъа чыгъар.
- Ишге юренсин къоллары, халкъ бла болсун джоллары.
- Уллу сёлешме да, уллу къаб.
- Ёлген ийнек сютлю болур.
- Къатын къылыкъсыз, эр тынчлыкъсыз.
- Дуния мал дунияда къалады.
- Кёз – сюйген джерде, къол – ауругъан джерде.
- Айтылгъан сёз ызына къайтмаз.
- Арбаз къынгырды да, ийнек сауалмайма.
- Сёз садакъдан кючлюдю.
- Тойну къарнашы – харс, джырны къарнашы – эжиу.
- Таукел тауну аудурур.
- Байлыкъ болгъан джерде, тынчлыкъ джокъду.
- Къазанчы аман болса, къазаны къайнамаз.
- Кёб ант этген, кёб ётюрюк айтыр.
- Къонагъы джокъну – шоху джокъ.
- Ашлыкъ – бюртюкден, джюн – тюкден.
- Тас болгъан бычакъны сабы – алтын.
- Къыйынлы джети элге оноу этер.
- Сакъалы текени да бар, мыйыгъы киштикни да бар.
- Атынг аманнга чыкъгъандан эсе, джанынг тамагъынгдан чыкъсын.
- Ашыкъгъанны этеги бутуна чырмалыр.
- Бозанг болмагъан джерге, къалагъынгы сукъма.
- Ана – юйню кюн джарыгъы.
- Кёрмегеннге кебек – танг, битмегеннге сакъал – танг.
- Тойгъан джерден туугъан джер игиди.
- Ач къарынны, токъ билмез
- Халкъны джырын джырласанг, халкъ санга эжиу этер.
- Ана кёлю – балада, бала кёлю – талада.
- Сормай – алма, чакъырылмай – барма.
- Ауурну тюбю бла, дженгилни башы бла джюрюген.
- Азыгъы аз, алгъа къабар, аты аман, алгъа чабар.
- Ауругъанны сау билмез, ач къарынны токъ билмез.
- Билгенни къолу къарны джандырыр.
- Чабар ат – джетген къыз.
- Акъылсызны джууукъгъа алма, акъыллыны кенгнге салма.
- Ариу джол аджал келтирмез.
- Гырджын – тепсини тамадасы.
- Аманны эки битли тону болур, бирин сеннге кийдирир, бирин кеси киер.
- Билим къая тешер.
- Ишленмеклик адамлыкъды.
Профиль
|
|
|||